ആയിരങ്ങൾ നാട്ടിലേക്ക് മടങ്ങാൻ കാത്തിരിക്കുന്നു; സമയമായാൽ ഞങ്ങളും -പൃഥ്വിരാജ്​

ലോകമെമ്പാടുമുള്ള ആയിരക്കണക്കിന് ഇന്ത്യക്കാർ നാട്ടിലേക്ക് മടങ്ങാൻ കാത്തിരിക്കുകയാ​െണന്നും ഉചിതമായ സമയവും അവസരവും എത്തുമ്പോൾ ഞങ്ങൾക്കും ഇന്ത്യയിലേക്ക് മടങ്ങാൻ കഴിയുമെന്ന് പ്രതീക്ഷിക്കുന്നുവെന്നും ജോർദാനിൽ കുടുങ ്ങിയ നടനും സംവിധായകനുമായ പൃഥ്വിരാജ്​.

‘ആടു ജീവിതത്തിൻെറ’ ചിത്രീകരണത്തിനായി പോയ സംവിധായകൻ ബ്ലസി, നടൻ പൃഥ ്വിരാജ്​ എന്നിവരുൾപ്പെടെ 58 ​പേർ ജോർദാനിൽ കുടുങ്ങിയ വാർത്ത പുറത്തു വന്നതിനുപിന്നാലെ ഫേസ്​ബുക്കിലൂടെയാണ്​ പൃ ഥ്വിരാജ്​ സ്ഥിതിഗതികൾ വിശദീകരിച്ചത്​.

ഏപ്രിൽ രണ്ടാം വാരം വരെ ജോർദാനിലെ വാദി റം മരുഭൂമിയിലെ ക്യാമ്പിൽ താമ സിച്ച്​ ചിത്രീകരണം നടത്താമെന്ന്​ തീരുമാനിച്ചതിനാൽ അതുവരെയുള്ള താമസവും ഭക്ഷണവുമാണിവർ ഒരുക്കിയിരുന്നത്​. ഇതി നിടയിലാണ്​ കോവിഡ്​ മൂലമുള്ള മുൻകരുതൽ നടപടികളുടെ ഭാഗമായി നിയന്ത്രണം കർശനമാക്കിയതെന്നും പൃഥ്വിരാജ്​ കുറിക്ക ുന്നു.

എല്ലാവരും സുരക്ഷിതരായിരിക്കുമെന്ന് പ്രതീക്ഷിക്കുന്നുവെന്നും ജനജീവിതം ഉടൻ സാധാരണ നിലയിലാകുമെന്ന് പ്രത്യാശിക്കുകയും പ്രാർഥിക്കുകയും ചെയ്യുന്നതായും പറഞ്ഞു​െകാണ്ടാണ്​ അദ്ദേഹം ഫേസ്​ബുക്ക്​ പോസ്റ്റ്​ അവസാനിപ്പിക്കുന്നത്​.

പൃഥ്വിരാജിൻെറ ഫേസ്​ബുക്ക്​ പോസ്​റ്റിൻെറ പൂർണരൂപം:

എല്ലാവർക്കും നമസ്ക്കാരം.

ഈ ദുഷ്‌കരമായ സമയത്ത്​ എല്ലാവരും സുരക്ഷിതരാണെന്ന് പ്രതീക്ഷിക്കുന്നു. ജോർദാനിൽ ആടുജീവിതം എന്ന സിനിമയുടെ ചിത്രീകരണം നിലവിലെ സാഹചര്യങ്ങൾ കാരണം മാർച്ച്​ 24ന് താൽക്കാലികമായി നിർത്തിവച്ചിരിക്കുകയാണ്​. ലൊക്കേഷനിലെ സ്ഥിതിഗതികൾ വിലയിരുത്തിയ അധികാരികൾ വാദി റം മരുഭൂമിയിൽ സമ്പർക്കമില്ലാതെ സുരക്ഷിതമായി ഷൂട്ടിങ്​ തടരാൻ അനുമതി നൽകിയിരുന്നു.

നിർഭാഗ്യവശാൽ, താമസിയാതെ, ജോർദാനിൽ മുൻകരുതൽ നടപടിയെന്ന നിലയിൽ നിലവിലുള്ള നിയന്ത്രണങ്ങൾ കൂടുതൽ ശക്തിപ്പെടുത്തേണ്ടിവന്നു. അതിൻെറ ഫലമായി ഏപ്രിൽ 27 വരെ ഷൂട്ടിങ്ങിനുള്ള അനുമതി റദ്ദു ചെയ്യപ്പെട്ടു. ഇ​േതതുടർന്ന്, ഞങ്ങളുടെ സംഘം വാദി റം മരുഭൂമിയിലെ ക്യാമ്പിൽ തുടരുകയാണ്​. നിലവിലെ സാഹചര്യത്തിൽ ഉടനെയൊന്നും ഷൂട്ടിങ്​ പുനരാരംഭിക്കാൻ അനുമതി ലഭിക്കില്ലെന്നും അതിനാൽ കിട്ടുന്ന ആദ്യ അവസരത്തിൽ ഇന്ത്യയിലേക്ക് മടങ്ങുകയെന്നതാണ് നല്ലതെന്ന്​ അധികൃതർ ഞങ്ങളെ അറിയിച്ചു.

ഏപ്രിൽ രണ്ടാം വാരം വരെ വാദി റമിൽ താമസിക്കാനും ചിത്രീകരിക്കാനുമായിരുന്നു പദ്ധതി. അതുവരെയുള്ള താമസ, ഭക്ഷണ കാര്യങ്ങളെല്ലാം തയാറാണ്​​​​.അതിനു ശേഷമുള്ള കാര്യങ്ങളെ കുറിച്ച്​ ആശങ്കകളുണ്ട്​. ഞങ്ങളുടെ ടീമിൽ ഒരു ഡോക്ടർ ഉണ്ട്. അദ്ദേഹം ഓരോ 72 മണിക്കൂറിലും ഓരോ അംഗത്തിനും വൈദ്യപരിശോധന നടത്തുന്നുണ്ട്​. കൂടാതെ സർക്കാർ നിയോഗിച്ച ജോർദാനിയൻ ഡോക്ടറുടെ പരിശോധനക്കും ഇടയ്ക്കിടെ വിധേയരാകുന്നുണ്ട്​. ലോകമെമ്പാടുമുള്ള സാഹചര്യങ്ങൾ കണക്കിലെടുക്കുമ്പോൾ, ഞങ്ങൾ 58 അംഗ സംഘത്തിൻെറ നാട്ടിലേക്കുള്ള മടക്കം ഇപ്പോൾ അധികാരികൾക്ക്​ വിഷയമായിരിക്കില്ലെന്ന് പൂർണമായും മനസ്സിലാക്കുന്നു.

എന്നാൽ ബന്ധപ്പെട്ട എല്ലാവരേയും സാഹചര്യത്തെക്കുറിച്ച് അറിയിക്കുകയും വിവരങ്ങൾ പുതുക്കുകയും ചെയ്യേണ്ടത് ഞങ്ങളുടെ കടമയാണെന്ന്​ കരുതുന്നു. ലോകമെമ്പാടുമുള്ള ആയിരക്കണക്കിന് ഇന്ത്യക്കാർ നാട്ടിലേക്ക് മടങ്ങാൻ കാത്തിരിക്കുന്നു. ഉചിതമായ സമയവും അവസരവും എത്തുമ്പോൾ ഞങ്ങൾക്കും ഇന്ത്യയിലേക്ക് മടങ്ങാൻ കഴിയുമെന്ന് പ്രതീക്ഷിക്കുന്നു. അതുവരെ, നിങ്ങൾ എല്ലാവരും സുരക്ഷിതരായിരിക്കുമെന്ന് പ്രതീക്ഷിക്കുന്നു, ഒപ്പം ജനജീവിതം ഉടൻ സാധാരണ നിലയിലാകുമെന്ന് കൂട്ടായി പ്രത്യാശിക്കുകയും പ്രാർഥിക്കുകയും ചെയ്യാം. ചിയേഴ്സ്.