നടി താരാകല്യാണി​െൻറ ഭർത്താവും അവതാരകനുമായ  രാജാറാം അന്തരിച്ചു

കൊച്ചി: നര്‍ത്തകനും ടെലിവിഷൻ അവതാരകനും നടി താരാ കല്യാണി​​​െൻറ ഭര്‍ത്താവുമായ രാജാറാം അന്തരിച്ചു. ഡെങ്കിപ്പനി ബാധിച്ച് കുറച്ച് ദിവസങ്ങളായി ചികിത്സയിലായിരുന്നു.

പനി ബാധിച്ച് ജൂണിലാണ് രാജാറാമിനെ കൊച്ചി അമൃത ആശുപത്രിയില്‍ പ്രവേശിപ്പിച്ചത്. പിന്നീട് ഡെങ്കിപ്പനി സ്ഥിരീകരിക്കുകയും  ശ്വാസകോശത്തിൽ അണുബാധ ഉണ്ടായതിനെ തുടര്‍ന്ന് തീവ്ര പരിചരണ വിഭാഗത്തിലേക്ക്​ മാറ്റുകയും ചെയ്തിരുന്നു. ഈ മാസം 22 ന് കാർഡിയാക്​ ​െഎ.സി.യുവിൽ പ്രവേശിപ്പിച്ച രാജാറാം കുറച്ച് ദിവസങ്ങളായി വ​​െൻറിലേറ്ററി​​​െൻറ സഹായത്തോടെയായിരുന്നു ജീവന്‍ നിലനിര്‍ത്തിയിരുന്നത്.

സീരിയലുകളിലും സിനിമകളിലും ചെറു വേഷങ്ങള്‍ ചെയ്തിട്ടുണ്ട്​. പിന്നീട് കൊറിയോ ഗ്രാഫര്‍, ചാനല്‍ അവതാരകന്‍ എന്ന നിലയിലും രാജാറാം ശ്രദ്ധേയനായി.താരാ കല്യാണും രാജാറാമും ഒരുമിച്ച് നൃത്ത പരിപാടികള്‍ അവതരിപ്പിച്ചിരുന്നു.
നർത്തകിയായ സൗഭാഗ്യ വെങ്കിടേഷ് ആണ് ഏക മകള്‍.