അച്​ഛൻ നേരത്തെ തന്നെ ബി.ജെ.പി വിടേണ്ടതായിരുന്നു -സൊനാക്ഷി

ന്യൂഡൽഹി: ശത്രുഘ്​നൻ സിൻഹ ബി.ജെ.പി വിട്ടതിൽ പ്രതികരണവുമായി ബോളിവുഡ്​ താരവും മകളുമായ സൊനാക്ഷി സിൻഹ. ബി.ജെ.പിയ ിൽ അദ്ദേഹത്തിന്​ അർഹിച്ച ബഹുമാനം ലഭിച്ചില്ലെന്നും സോനാക്ഷി പറഞ്ഞു. ശത്രുഘ്​നൻ സിൻഹ കോൺഗ്രസിൽ ചേരുമെന്ന്​ അ റിയിച്ചതിന്​ പിന്നാലെയാണ്​ സോനാക്ഷിയുടെ പ്രതികരണം.

ലോക്​സഭയിലെ ബി.ജെ.പി എം.പിയായ ശത്രുഘ്​നൻ സിൻഹ കഴിഞ്ഞ ദിവസം ​പാർട്ടി വിട്ടിരുന്നു. പിന്നീട്​ കോൺഗ്രസിൽ ചേരുമെന്നും അറിയിച്ചിരുന്നു. ഏപ്രിൽ ആറിന്​ സിൻഹ കോൺഗ്രസിൽ ചേരുമെന്നാണ്​ റിപ്പോർട്ടുകൾ.

ബി.ജെ.പി സ്ഥാനാർഥിയായി പട്​നേ സാഹിബ്​ സീറ്റിൽ നിന്നാണ്​ ശത്രുഘ്​നൻ സിൻഹ മൽസരിച്ച്​ ജയിച്ചത്​​. ഇക്കുറി കോൺഗ്രസിൽ ടിക്കറ്റിൽ പട്​​ന സാഹേബ്​ സീറ്റിൽ നിന്ന്​ ശത്രുഘ്​നൻ സിൻഹ മൽസരിക്കും.