മുടി മുറിച്ച് പുതിയ ലുക്കിൽ ഷെയിൻ; വെയിൽ സിനിമ വീണ്ടും പ്രതിസന്ധിയിൽ

കൊച്ചി: സിനിമയുമായി സഹകരിക്കുന്നില്ലെന്ന അണിയറ പ്രവർത്തകരുടെ പരാതിക്കും നിർമാതാക്കളുടെ സംഘടന വിലക്ക്​ ഏർ പ്പെടുത്തിയതിനും പിന്നാലെ രൂപമാറ്റവുമായി നടൻ ഷെയ്​ൻ നിഗം. ഹെയർസ്​റ്റൈലിനെച്ചൊല്ലിയുള്ള തർക്കത്തിൽ തുടങ്ങി യ വിവാദം ചൂടുപിടിപ്പിക്കുന്നതാണ്​ നട​​െൻറ പുതിയ ലുക്ക്​. താടിയും മീശയും വടിച്ച്​ മുടി പറ്റെ​ വെട്ടിയ പുതിയ ഫേ ാ​ട്ടോ പ്രതിഷേധിക്കുന്നു എന്ന കുറിപ്പോടെ ‘വെയിൽ’ സിനിമയുടെ സംവിധായകൻ ശരത്​ മേനോന്​ അയക്കുകയും ചെയ്​തു.

‘വെയിൽ’ നിർമാതാവ്​ ജോബി ജോർജുമായുള്ള തർക്കത്തിലൂടെയാണ്​ അടുത്തിടെ ഷെയ്​ൻ വാർത്തകളിൽ നിറഞ്ഞത്​. മുടി നീട്ടിയ ഗെറ്റപ്പിലുള്ളതാണ്​ ‘വെയിലി’ലെ വേഷം. അതിനാൽ ചിത്രീകരണം പൂർത്തിയാകാതെ മുടി മുറിക്കരുതെന്നായിരുന്നു കരാർ. എന്നാൽ, ‘ഖുർബാനി’ എന്ന മറ്റൊരു സിനിമക്കുവേണ്ടി മുടി മുറിച്ച്​ ഷെയ്​ൻ കരാർ ലംഘിച്ചെന്നാണ്​ ജോബിയുടെ ആരോപണം.

ഇതി​​െൻറ പേരിൽ ജോബി വധഭീഷണി മുഴക്കിയതായി ഷെയ്​നും ആരോപിച്ചതോടെ തർക്കം മുറുകി. ചിത്രീകരണം നിലച്ചു. തുടർന്ന്​ നിർമാതാക്കളുടെ സംഘടനയും താരസംഘടനയായ ‘അമ്മ’യും ഫെഫ്​കയും മുൻകൈയെടുത്ത്​ നടത്തിയ ചർച്ചയിൽ ‘വെയിലു’മായി സഹകരിക്കാനും പറഞ്ഞുറപ്പിച്ചിരുന്ന പ്രതിഫലം നടന്​ നൽകാനും ധാരണയായി.

പക്ഷേ, ചിത്രീകരണത്തിൽ പ​ങ്കെടുക്കുന്നില്ലെന്ന പരാതിയുമായി ‘വെയിലി​’​െൻറ പ്രവർത്തകർ വീണ്ടും രംഗത്തെത്തി. ഇതോടെ, ഷെയ്​നിനെ സഹകരിപ്പിക്കേണ്ടെന്ന്​ നിർമാതാക്കളുടെ സംഘടന തീരുമാനിച്ചു. എന്നാൽ, പറഞ്ഞറിയിക്കാനാവാത്ത ശാരീരിക, മാനസിക പീഡനങ്ങളാണ്​ സിനിമ സെറ്റിൽ നേരിടേണ്ടിവന്നത്​ എന്നായിരുന്നു ഷെയ്​നി​​െൻറ ആരോപണം.

ഇതിന്​ പിന്നാലെയാണ്​ ‘വെയിലി​’​െൻറ കഥാപാത്ര​ത്തി​​െൻറ ഗെറ്റപ്പ്​ പൂർണമായി മാറ്റും വിധം ഷെയ്​ൻ രൂപമാറ്റം വരുത്തി പുതിയ ചിത്രം സമൂഹമാധ്യമങ്ങളിൽ പങ്കുവെച്ചത്​. കരാർ ലംഘിക്കുന്നത്​ അംഗീകരിക്കാനാവില്ലെന്ന്​ ’അമ്മ’ ജനറൽ സെക്രട്ടറി ഇടവേള ബാബു പറഞ്ഞു.