ഷെയ്​ൻ നിഗമിനെ വെച്ച്​ ഇനി സിനിമയില്ലെന്ന്​ നിർമാതാക്കൾ

കൊച്ചി: നടൻ ഷെയ്​ൻ നിഗമിന്​ മലയാള സിനിമയിൽ സമ്പൂർണ വിലക്കേർപ്പെടുത്താൻ നിർമാതാക്കളുടെ തീരുമാനം. ഷെയ്​ൻ അഭി നയിക്കുന്ന ഖുർബാനി, വെയിൽ എന്നീ സിനിമകൾ ഉപേക്ഷിക്കാനും കൊച്ചിയിൽ ചേർന്ന പ്രൊഡ്യൂസേഴ്​സ്​ അസോസിയേഷൻ യോഗം തീരുമാനിച്ചു. ഇരു സിനിമകൾക്കും ചെലവായ ഏഴ്​ കോടിയോളം രൂപയും ഇതുവരെയുണ്ടായ നഷ്​ടവും തിരിച്ചുനൽകാതെ ഒരു സിനിമ യിലും ഷെയ്​നിനെ അഭിനയിപ്പിക്കില്ലെന്ന്​ അസോസിയേഷൻ ഭാരവാഹികളായ രഞ്​ജിത്തും സിയാദ്​ കോക്കറും വാർത്തസമ്മേള നത്തിൽ അറിയിച്ചു.

അഭിനേതാക്കളുടെ സംഘടനയായ ‘അമ്മ’യും ഫെഫ്​കയും മുൻകൈയെടുത്ത്​ നടത്തിയ ചർച്ചയിൽ ‘വെയിലു’മായി സഹകരിക്കാമെന്ന്​ ഷെയ്​ൻ സമ്മതിച്ചിരുന്നു. രണ്ട്​ ദിവസം യൂനിറ്റ്​ മുഴുവൻ കാത്തിരുന്നിട്ടും വന്നില്ല. അനാവശ്യകാര്യങ്ങൾ പറഞ്ഞ്​ ഓരോ ദിവസവും ഷൂട്ടിങ്​ മുടക്കി. സഹകരിക്കണമെന്നാവശ്യപ്പെട്ട്​ പല തവണ ചർച്ച നടത്തിയിട്ടും ഫലമുണ്ടായില്ല. നിർമാതാവ്​ സെറ്റിൽ വരാൻ പാടില്ലെന്ന നട​​െൻറ ആവശ്യവും അംഗീകരിച്ചു. എന്നിട്ടും നിർമാതാക്കളെ കളിയാക്കുംവിധം മുടിമുറിച്ച്​ രൂപമാറ്റം വരുത്തി​. ഒരു ദിവസം ചിത്രീകരണം മുടങ്ങിയാൽ ശരാശരി നാല്​ ലക്ഷം രൂപയാണ്​ നഷ്​ടം. മലയാള സിനിമയുടെ ചരിത്രത്തിൽ ഒരു നടൻ ഇങ്ങനെ പെരുമാറുന്നത്​ ആദ്യമാണ്​.

പുതുമുഖ താരങ്ങൾ രണ്ടോ മൂന്നോ സിനിമ കഴിയു​േമ്പാൾ ഉയർന്ന പ്രതിഫലം ചോദിച്ച്​ നിർമാതാക്കളെ ബുദ്ധിമുട്ടിക്കുന്ന പ്രവണത അംഗീകരിക്കാനാവില്ല. ‘ഉല്ലാസം’ സിനിമയിൽ അഭിനയിക്കാൻ ആദ്യം പത്ത്​ ലക്ഷം ആവശ്യപ്പെട്ട ഷെയ്​ൻ പിന്നീട്​ 25 ലക്ഷം വേണമെന്ന്​ പറഞ്ഞു. അതും നിർമാതാവ്​ സമ്മതിച്ചു. എന്നാൽ, ഡബ്ബിങ്​ സമയമായപ്പോൾ 45 ലക്ഷം വേണമെന്നായി. മലയാള സിനിമയിലെ അച്ചടക്കമില്ലാത്ത ചെറുപ്പക്കാരോട്​ അസോസിയേഷ​​െൻറ നിലപാട്​ ഇതുതന്നെയായിരിക്കും. തുക ഷെയ്​നിൽനിന്ന്​ ഈടാക്കാൻ ആവശ്യമെങ്കിൽ നിയമനടപടി സ്വീകരിക്കുമെന്നും അവർ അറിയിച്ചു.

എന്നാൽ, വിലക്ക്​ അംഗീകരിക്കില്ലെന്നും ത​​െൻറ ഭാഗം കേൾക്കാതെ ഏകപക്ഷീയ തീരുമാനമാണി​െതന്നും ഷെയ്​ൻ നിഗം പ്രതികരിച്ചു. തീരുമാനം രേഖാമൂലം അറിഞ്ഞശേഷം തുടർനടപടി സ്വീകരിക്കുമെന്ന്​ ‘അമ്മ’ ജനറൽ സെ​ക്രട്ടറി ഇടവേള ബാബു പറഞ്ഞു.