മൂന്ന്​ കോടി നൽകി ലോറൻസ്​; സൂപ്പർ സ്റ്റാറുകൾ ഉത്കണ്ഠാകുലർ, വൈറലായി ഷമ്മി തിലക​െൻറ ഫേസ്​ബുക്ക്​ പോസ്റ്റ്​

ചന്ദ്രമുഖി 2 എന്ന സിനിമക്ക് മുൻകൂറായി ലഭിച്ച മൂന്ന് കോടി രൂപ കോവിഡ് 19 ദുരിതാശ്വാസ നിധിയിലേക്ക് കൈമാറിയ തമിഴ് ന ടൻ രാഘവ ലോറൻസിനെ അഭിനന്ദിച്ച് നടൻ ഷമ്മി തിലകൻ. ഫേസ്​ബുക്ക്​ പോസ്റ്റിലാണ്​ താരം അഭിനന്ദനവുമായി എത്തിയത്​. അതേ സമയം, തെന്നിന്ത്യന്‍ സൂപ്പര്‍ താരങ്ങളെ അദ്ദേഹം പരോക്ഷമായി വിമര്‍ശിക്കുകയും ചെയ്​തു.

ലോറൻസി​​​െൻറ സിനിമകളിൽ സഹകരിക്കുന്ന മലയാള താരങ്ങളെ വിലക്കണോ എന്ന് തീരുമാനമെടുക്കാൻ ഇടവേള പോലുമില്ലാതെ പതിനഞ്ചരകമ്മിറ്റി കൂടിയാലോചനകൾ നടത്തുന്നതായി അറിയുന്നുവെന്നും അദ്ദേഹം ഹാസ്യരൂപേണ കുറിച്ചു. ലോറന്‍സ് നല്‍കിയത്രയും പോലും കോവിഡ് പ്രതിരോധത്തില്‍ സഹകരിക്കാത്തവര്‍ക്കെരെയുള്ള ഒളിയമ്പാണ് ഷമ്മി തിലകന്‍റെ ഫേസ്ബുക്ക് പോസ്റ്റ്.

ഷമ്മി തിലക​​​െൻറ ഫേസ്ബുക്ക് പോസ്റ്റ്

'ചന്ദ്രമുഖി 2' ന് അഡ്വാന്‍സ് ലഭിച്ചത് മൂന്ന് കോടി; മുഴുവന്‍ ദുരിതാശ്വാസനിധിയിലേക്ക് നല്‍കി തമിഴ് സൂപ്പര്‍താരം ലോറന്‍സ്..

#respect #love_you_lorence

ഇതറിഞ്ഞ തമിഴിലേയും, തെലുങ്കിലേയും, മലയാളത്തിലേയും സൂപ്പറുകൾ ഉത്കണ്ഠാകുലർ. ലോറൻസിന്റെ സിനിമകളിൽ സഹകരിക്കുന്ന മലയാള താരങ്ങളെ വിലക്കണോ എന്ന് തീരുമാനമെടുക്കാൻ ഇടവേള പോലുമില്ലാതെ പതിനഞ്ചരകമ്മിറ്റി കൂടിയാലോചനകൾ നടത്തുന്നതായി അറിയുന്നു.

ഈ കൊറോണ കാലത്ത് വീട്ടിൽ ചൊറീം കുത്തി ഇരിക്കുന്ന നമുക്ക് ഇനി എന്തെല്ലാമെന്തല്ലാം തമാശകൾ കാണേണ്ടി വരുമോ എന്തോ..?