ചലച്ചിത്രോല്‍സവവും ബിനാലേയും കാപട്യ​െമന്ന്​ രാജസേനൻ 

ദുബൈ: തിരുവനന്തപുരത്തെ രാജ്യാന്തര ചലച്ചിത്രോല്‍സവവും കൊച്ചി മുസിരിസ്​ ബിനാലേയും കാപട്യമാണെന്ന് സംവിധായകനും ബിജെപി നേതാവുമായ രാജസേനന്‍. രാജ്യത്തിന് ചേരാത്ത ആശയങ്ങള്‍ ഇറക്കുമതി ചെയ്യാനാണ് ഈ പരിപാടികളെന്ന്   അജ്മാനില്‍ ബി.ജെ.പി അനുഭാവികള്‍ സംഘടിപ്പിച്ച പരിപാടിയില്‍ പറഞ്ഞു.  ചുവപ്പുവത്​കരണത്തി​​​​​െൻറ വൃത്തികെട്ട ബിംബങ്ങളെയാണ് ഇൗ മേളകൾ അവതരിപ്പിക്കുന്നതെന്ന് രാജസേനന്‍ ആരോപിച്ചു.  കലാരംഗത്തെ ചിലരുടെ കുത്തക തകരാന്‍ പോവുകയാണ്. ഇപ്പോൾ കലാമേഖലയിൽ നിന്ന്​ സുരേഷ്ഗോപിയും താനും മാത്രമേ  ബി.ജെ.പിയിലുള്ളു. എന്നാൽ മനസ്സമാധാനം ആഗ്രഹിക്കുന്ന കൂടുതല്‍ കലാകാരന്‍മാര്‍ എത്തുമെന്നും രാജസേനന്‍ പറഞ്ഞു. ബി.ജെ.പി അധ്യക്ഷന്‍ കുമ്മനം രാജശേഖരനും, സെക്രട്ടറി എൻ. രാധാകൃഷ്ണനും ചടങ്ങിൽ പ​െങ്കടുത്തു.