ക്വാഡന്​ മലയാള സിനിമയിൽ​ അവസരം; ഗിന്നസ്​ പക്രുവിൻെറ ഫേസ്​ബുക്ക്​​ പോസ്​റ്റ്​

പൊക്കക്കുറവിൻെറ പേരിൽ സഹപാഠികളുടെ പരിഹാസത്തിനിരയായി കരഞ്ഞുകലങ്ങിയ കണ്ണുകളുമായി സമൂഹമാധ്യമങ്ങളിൽ പ്രത്യക്ഷപ്പെട്ട ​ക്വാഡനെ ഓർമ്മയില്ലേ.. ലോകം മുഴുവൻ പിന്തുണയുമായെത്തിയ കുഞ്ഞു ക്വാഡൻ ഒരു ആഗ്രഹം പങ്ക​ുവെച്ചിരുന്നു. തനിക്ക്​ ഒരു സിനിമാ നടനാവണമെന്നായിരുന്നു ക്വാഡൻ മനസ്സിൽ സൂക്ഷിച്ച ആ​ഗ്രഹം.

ക്വാഡൻെറ ഈ ആഗ്രഹം പൂവണിയിക്കാനായി മുന്നോട്ട്​ വന്നിരിക്കുകയാണ് ജാനകി എന്ന​ മലയാള സിനിമയുടെ അണിയറ പ്രവർത്തകർ. ക്വാഡന്​ മലയാള സിനിമയിൽ അവസരം നൽകുന്നതായി​ ഗിന്നസ്​ പക്രുവാണ്​ ഫേസ്​ബുക്കിലൂടെ അറിയിച്ചത്​.

കൊറോണ രോഗ ഭീതിയൊഴിഞ്ഞാലുടൻ നമ്മൾ ദൈവത്തിൻെറ സ്വന്തം നാട്ടിൽ കാണുമെന്നും ക്വാഡനെ സ്വാഗതം ചെയ്യുന്നതായും പക്രു കുറിച്ചു.