കാവ്യയുടെ ഡ്രൈവറായിരുന്നുവെന്ന്​ പൾസർ സുനിയുടെ മൊഴി

കൊച്ചി: നടിയെ ആക്രമിച്ച കേസിൽ അറസ്​റ്റിലായ നടൻ ദിലീപി​​െൻറ ഭാര്യയും നടിയുമായ കാവ്യ മാധവ​​​െൻറ ഡ്രൈവറായി രണ്ട്​ മാസ​ത്തോളം ജോലി ചെയ്​തിട്ടുണ്ടെന്ന്​ മുഖ്യ പ്രതി പൾസർ സുനിയുടെ മൊഴി. സുനിയെ അറിയില്ലെന്ന കാവ്യയുടെ വാദമാണ്​ ഇതോടെ പൊളിയുന്നത്​. 

കേസുമായി ബന്ധപ്പെട്ട്​ കാവ്യ​െയയും മാതാവ്​ ശ്യാമളയെയും രണ്ടുതവണ പൊലീസ്​ ചോദ്യം ചെയ്​തിരുന്നു. സുനിയെ മുൻ പരിചയമില്ലെന്നും പത്രത്തിൽ ചിത്രം കണ്ടുള്ള അറിവ്​ മാത്രമേയുള്ളൂ എന്നുമാണ്​ ചോദ്യം ചെയ്യലിൽ ഉടനീളം കാവ്യ പൊലീസിനോട്​ പറഞ്ഞത്​. എന്നാൽ, ദിലീപും കാവ്യയും അവസാനം ഒരുമിച്ച്​ അഭിനയിച്ച സിനിമയുടെ സെറ്റിൽ സുനി സജീവമായിരുന്നെന്ന്​ പൊലീസിന്​ വിവരം ലഭിച്ചിരുന്നു. നടിയെ ആക്രമിച്ച ദൃശ്യങ്ങളടങ്ങിയ മെമ്മറി കാർഡ്​ കാവ്യയുടെ കാക്കനാ​െട്ട  ഒാൺലൈൻ വസ്​ത്ര വ്യാപാര സ്​ഥാപനത്തിൽ ഏൽപ്പിച്ചതായും സുനി വെളിപ്പെടുത്തിയിരുന്നു. ഇതി​​െൻറ അടിസ്​ഥാനത്തിലാണ്​ കാവ്യയെ ചോദ്യം ചെയ്​തത്​. എന്നാൽ, സുനി കടയിലെത്തിയതായി അറിയില്ലെന്ന്​ പറഞ്ഞ കാവ്യ, സുനിയുമായി ബന്ധപ്പെട്ട പല ചോദ്യങ്ങൾക്കും കൃത്യമായ മറുപടി നൽകിയതുമില്ല. ഇൗ സാഹചര്യത്തിൽ കാവ്യയെ വീണ്ടും ചോദ്യം ചെയ്യാനിരിക്കെയാണ്​ സുനിയുടെ വെളിപ്പെടുത്തൽ.

 സുനിയുടെ മൊഴിയുടെ ആധികാരികത ഉറപ്പാക്കാൻ കൂടുതൽ പരിശോധനയും കാവ്യയുമായി അടുപ്പമുള്ള ചിലരുടെ ചോദ്യം ചെയ്യലും ആവശ്യമാണെന്നാണ്​ പൊലീസ്​ പറയുന്നത്​. കാവ്യയെയും ഉടൻ ചോദ്യം ചെയ്തേക്കും.  നേര​േത്ത 13 മണിക്കൂർ ചോദ്യം ചെയ്​തപ്പോൾ സുനിയുമായി ഒരു ബന്ധവുമില്ലെന്നാണ്​ ദിലീപും പറഞ്ഞത്​. പിന്നീട്​ ദിലീപി​​െൻറ സിനിമയുടെ സെറ്റിൽ സുനി നിൽക്കുന്ന ചിത്രം ദിലീപി​​െൻറ അറസ്​റ്റിലേക്ക്​ നയിച്ച നിർണായക തെളിവായി മാറുകയായിരുന്നു. 

പൾസർ സുനിയുടെ ജാമ്യാപേക്ഷ തള്ളി
നെടുമ്പാശ്ശേരി: നടിയെ തട്ടിക്കൊണ്ടുപോയി ആക്രമിച്ച കേസിലെ മുഖ്യ​പ്രതി പൾസർ സുനിയെന്ന സുനിൽകുമാറി​​െൻറ ജാമ്യാപേക്ഷ അങ്കമാലി ജുഡീഷ്യൽ മജിസ്​ട്രേറ്റ് കോടതി തള്ളി. ബുധനാഴ്​ച വാദം പൂർത്തിയായ ജാമ്യാപേക്ഷയിൽ ശനിയാഴ്ച ഉച്ചക്കുശേഷമാണ്​ കോടതി വിധി പറഞ്ഞത്​. വെള്ളിയാഴ്ച വിധി പറയാനാണ് തീരുമാനിച്ചിരുന്നതെങ്കിലും പിന്നീട്​ ശനിയാഴ്​ചത്തേക്ക്​ മാറ്റുകയായിരുന്നു. സുനിൽകുമാറി​​െൻറ റിമാൻഡ് കാലാവധി ആഗസ്​റ്റ്​ ഒന്നിനാണ് അവസാനിക്കുന്നത്. ഇരുഭാഗത്തെയും അഭിഭാഷകർ ശനിയാഴ്​ച കോടതിയിൽ ഹാജരായിരുന്നില്ല. 

സുനിക്ക് ജാമ്യം നൽകുന്നത്​ ദിലീപുമായി ബന്ധപ്പെട്ടവർ ഇയാളെ സ്വാധീനിക്കാനും തെളിവുകൾ നശിപ്പിക്കപ്പെടാനും ഇടയാക്കുമെന്ന്​  േപ്രാസിക്യൂഷൻ വാദിച്ചു. സുനി മുമ്പ്​ പലരെയും ഭീഷണിപ്പെടുത്തിയതുമായി ബന്ധപ്പെട്ട കേസുകളും ജാമ്യം നിഷേധിക്കാൻ കാരണമായി.സുനി ജയിലിൽനിന്ന്​ എഴുതിയ കത്തിൽ ദിലീപിനെ േദ്രാഹിക്കണമെന്ന്​ ആഗ്രഹമില്ലെന്നും പറഞ്ഞ പണം നൽകിയാൽ മതിയെന്നും പറഞ്ഞിരുന്നു. ഇതിൽനിന്നുതന്നെ പ്രതി കൂടുതൽ പണം ലഭിക്കുന്നതിനനുസരിച്ച് തെളിവുകൾ നശിപ്പിക്കാൻ കൂട്ടുനിൽക്കുമെന്ന്​ വ്യക്തമാണെന്നും േപ്രാസിക്യൂഷൻ ചൂണ്ടിക്കാട്ടിയിരുന്നു.