പേരൻപിന്റെ റിലീസ് തിയതി പ്രഖ്യാപിച്ചു
text_fieldsചലച്ചിത്രോത്സവങ്ങളിൽ മികച്ച അഭിപ്രായം നേടിയ മെഗാ സ്റ്റാർ മമ്മൂട്ടിയുടെ തമിഴ് ചിത്രം പേരൻപിന്റെ റിലീസ് തിയ തി പ്രഖ്യാപിച്ചു. ഫെബ്രുവരിയില് ലോക വ്യാപകമായി ചിത്രം പ്രദര്ശനത്തിനെത്തും. മമ്മുട്ടി തന്നെയാണ് റിലീസ് വിവരം ഔദ്യോഗികമായി ഫേസ്ബുക്ക് പേജിലൂടെ അറിയിച്ചത്.
റാം സംവിധാനം ചെയ്ത പേരൻപ് പി.എൽ തേനപ്പനാണ് നിർമിച്ചിരിക്കുന്നത്. അഞ്ജലിയാണ് നായികയായി എത്തുന്നത്. തങ്കമീൻകൾ എന്ന റാം ചിത്രത്തിലൂടെ ദേശീയ പുരസ്കാരം നേടിയ സാധന സർഗം, ട്രാൻസ്ജെൻഡറായ അഞ്ജലി അമീർ എന്നിവർ ചിത്രത്തിൽ പ്രധാന േവഷം കൈകാര്യം ചെയ്യുന്നുണ്ട്.
സമുദ്രക്കനിയും ചിത്രത്തിെൻറ തമിഴ് പതിപ്പിൽ അഭിനയിക്കുന്നുണ്ട്. സിദ്ധിഖും സുരാജ് വെഞ്ഞാറമൂടും മലയാള പതിപ്പിലുണ്ട്. ശ്രീകർ പ്രസാദാണ് ചിത്രസംയോജനം. തേനി ഇൗഷ്വർ ഛായാഗ്രഹണം നിർവഹിക്കുന്നു. യുവാൻ ശങ്കർരാജയാണ് സംഗീതം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.