കാത്തിരിപ്പിന്​ വിരാമം; പറവയുടെ ഡിവിഡി റിലീസ് തീയതി​ പുറത്തുവിട്ട്​ ദുൽഖർ

അൻവർ റഷീദ്​ നിർമിച്ച്​ സൗബിൻ ഷാഹിർ സംവിധാനം ചെയ്​ത്​ തിയറ്ററിൽ സൂപ്പർഹിറ്റായി മാറിയ ചിത്രമായിരുന്നു പറവ. സൗബി​​െൻറ ആദ്യ സംവിധാന സംരംഭമായ പറവയുടെ ഡിവിഡി റിലീസിനായി പ്രേക്ഷകർ കാത്തിരിക്കാൻ തുടങ്ങിയിട്ട്​ മാസങ്ങളായി. ഒടുവിൽ ചിത്രത്തി​​െൻറ ഡിവിഡി, വിസിഡി, ബ്ലൂറേ റിലീസ്​ ദുൽഖർ സൽമാൻ തന്നെ പുറത്തുവിട്ടു. 

മെയ്​ 30ന്​ ഫ്ലിപ്​കാർട്ട്​, ആമസോൺ, ഇബേ തുടങ്ങിയ ഒാൺലൈൻ ഷോപ്പിങ് സൈറ്റുകളിലൂടെ പറവയെ സ്വന്തമാക്കാം. ദുൽഖർ സൽമാൻ അതിഥി താരമായി അഭിനയിച്ച ചിത്രത്തിൽ പുതുമുഖങ്ങളായിരുന്നു കേന്ദ്ര കഥാപാത്രങ്ങളെ അവതരിപ്പിച്ചത്​. ഷൈൻ നിഗം, സിദ്ധിഖ്​, ഹരിശ്രീ അശോകൻ, ജാഫർ ഇടുക്കി, ശ്രിന്ദ എന്നിവരോടൊപ്പം സൗബിനും ശ്രീനാഥ്​ ബാസിയും ചിത്രത്തിൽ വേഷമിട്ടിരുന്നു.