രണ്ടു കുഞ്ഞാലിമരക്കാരുടെ ആവശ്യമില്ലെന്ന് പ്രിയദർശൻ 

മോഹൻലാൽ കുഞ്ഞാലിമരക്കാരാവുമെന്ന വാർത്ത നിഷേധിച്ച് സംവിധായകൻ പ്രിയദർശൻ രംഗത്ത്. മലയാളത്തിൽ  രണ്ടു കുഞ്ഞാലിമരക്കാരുടെ ആവശ്യമില്ലെന്ന് അദ്ദേഹം ഒരു ഒാൺലൈൻ മാധ്യമത്തോട് പറഞ്ഞു. ഹിന്ദി സിനിമകളുടെ ജോലി ഉള്ളതിനാലാണ്  തൽക്കാലം ഈ സിനിമ വേണ്ടെന്നുെവക്കുന്നതെന്നും പ്രിയ ദർശൻ പറഞ്ഞു. 

ഈ ചിത്രത്തിന്‍റെ നിർമാതാവ് തന്നെ ഫേസ്ബുക്കിലൂടെ ചിത്രം ഉടൻ നിർമ്മിക്കുമെന്ന് പറഞ്ഞിരുന്നു. മമ്മൂട്ടി കുഞ്ഞാലിമരക്കാരാവുന്നുവെന്ന വാർത്ത പുറത്തുവന്നതിന് പിന്നാലെയാണ് മോഹൻലാലും കുഞ്ഞാലിമരക്കാരാവുന്നുവെന്ന വാർത്ത വന്നത്. 

സന്തോഷ് ശിവൻ സംവിധാനം ചെയ്യുന്ന മമ്മൂട്ടിയുടെ കുഞ്ഞാലിമരക്കാർ കഴിഞ്ഞ ദിവസം പ്രഖ്യാപിച്ചിരുന്നു.