തമിഴ്​നാട്​ സർക്കാർ മദ്യത്തിന്​ കൂടുതൽ പ്രാധാന്യം നൽകുന്നുവെന്ന്​ കമൽഹാസൻ

ചെന്നൈ: തമിഴ്​നാട്​ സർക്കാറ മദ്യത്തിന്​ കൂടുതൽ പ്രാധാന്യം നൽകുന്നുവെന്ന്​ കമൽഹാസൻ. ടാസ്​മാക്​ ഷോപ്പിലുടെ മദ്യം വിൽക്കുന്നതിന്​ പകരം ആരോഗ്യ മേഖലക്കും വിദ്യാഭ്യാസത്തിനും സർക്കാർ പ്രാധാന്യം നൽകണമെന്നും കമൽഹാസൻ പറഞ്ഞു. ചെന്നൈ മാട്രാം ഫൗണ്ടേഷൻ നടത്തിയ പരിപാടിയിൽ സംസാരിക്കു​േമ്പാഴാണ്​ കമൽഹാസൻ ഇക്കാര്യങ്ങൾ അപറഞ്ഞത്​.

നാളെ നമ്മു​ടേത്​ എന്ന മുദ്രവാക്യമുയർത്തി തമിഴ്​നാട്ടിൽ രാഷ്​ട്രീയയാത്ര നടത്താനിരിക്കെയാണ്​​ കമൽഹാസൻ സർക്കാറിനെ രൂക്ഷമായി വിമർശിച്ച്​ രംഗത്തെത്തിയിരിക്കുന്നത്​. ജനങ്ങളുടെ ആവശ്യങ്ങളും പരാതികളും ചോദിച്ചറിയുക എന്നതാണ്​ യാത്രയിലുടെ കമൽ ലക്ഷ്യമിടുന്നത്​. പുതിയ പാർട്ടി സംബന്ധിച്ച്​ കമലി​​െൻറ പ്രഖ്യാപനം ഫെബ്രുവരി 21ന്​ ഉണ്ടാവുമെന്നാണ്​ പ്രതീക്ഷിക്കുന്നത്​.

രജനീകാന്തിന്​ പിന്നാലെ കമൽഹാസനും തമിഴ്​നാട്ടിൽ രാഷ്​ട്രീയപാർട്ടി രൂപീകരിക്കാനുള്ള നീക്കങ്ങളുമായി മുന്നോട്ട്​ പോവുകയാണ്​. ഇതിന്​ മുന്നോടിയായാണ്​ തമിഴ്​നാട്ടിലെ യുവാക്കളുമായും വിദ്യാർഥികളുമായി സംവദിക്കുന്നത്​.