Begin typing your search above and press return to search.
proflie-avatar
Login
exit_to_app
exit_to_app
Homechevron_rightമോദി പകർന്ന...

മോദി പകർന്ന പോസിറ്റീവ്​ എനർജി വിട്ടു പോകുന്നില്ല -മോഹൻലാൽ

text_fields
bookmark_border
mohanlal-writing-blog
cancel

തിരുവനന്തപുരം: പ്രധാനമന്ത്രി നരേന്ദ്ര മോദിയുമായി നടത്തിയ കൂടിക്കാഴ്​ചയുടെ വിശേഷങ്ങളും വിശദാംശങ്ങളുമായി നടൻ മോഹൻലാലി​​​െൻറ ബ്ലോഗ്​. മോദിയുമായുള്ള കൂടിക്കാഴ്​ചയെ തുടർന്ന്​ ഉടലെടുത്ത വിവാദങ്ങൾക്കും ഉൗഹാപോഹങ്ങൾക്കും മറുപടിയെന്നോണമാണ്​ പുതിയ ബ്ലോഗ്​.

'മോഡിഫൈഡ്​ വേവ്​സ്'​ എന്ന തലക്കെട്ടിലാണ്​ പുതിയ ബ്ലോഗ്​. മോദിയുമായി കൂടിക്കാഴ്​ച നടത്തിയ ദിവസം ഒരു വിശേഷപ്പെട്ട ദിനമാണെന്ന്​ പറഞ്ഞു കൊണ്ടാണ് ബ്ലോഗ്​ ആരംഭിക്കുന്നത്​​. മോദിയുടെ വീട്ടിൽ നേരിൽ ചെന്ന്​ സന്ദർശിച്ചെന്നും അര മണിക്കൂറോളം അദ്ദേഹവുമായി സംസാരിക്കാനുള്ള അവസരം ലഭിച്ചെന്നും ലാൽ കുറിച്ചു.

നരേന്ദ്ര മോദിയെ സന്ദർശിച്ചതിനെ തുടർന്ന്​ പല ഉൗഹാപോഹങ്ങളോടെ വാർത്തകൾ പ്രചരിച്ചു. അത്​ സ്വാഭാവികമാണെന്നും അതുകൊണ്ട്​ അതിനൊന്നും മറുപടി പറഞ്ഞില്ലെന്നും മോഹൻലാൽ പ്രതികരിച്ചു.

mohanlal-blog-2

മോഹൻലാൽ ജീ എന്ന്​ വിളിച്ചായിരുന്നു മോദി തന്നെ സ്വീകരിച്ചത്​. ത​​​െൻറ തോളിൽ മൂന്ന്​ തവണ തട്ടി സ്വീകരിച്ച മോദി നാൽപത്​ വർഷം നീണ്ട ത​​​െൻറ സിനിമാ ജീവിതത്തെ കുറിച്ച്​ കേട്ടപ്പോൾ നിഷ്​കളങ്കമായി വിസ്​മയിച്ചെന്നും ലാൽ പറഞ്ഞു. കർണഭാരതം എന്ന നാടകത്തെ കുറിച്ചും ത​​​െൻറ ലഫ്​റ്റണൻറ്​ കേണൽ പദവിയെ കുറിച്ചുമുള്ള വിശേഷങ്ങളും ഏറെ താൽപര്യത്തോടെയാണ്​ മോദി കേട്ടിരുന്നത്.

നാല് കാര്യങ്ങളാണ് പ്രധാനമായും മോദിയുമായി പങ്കുവെച്ചത്​​. കേരളത്തിലെ ആദിവാസികളുടെ ആരോഗ്യത്തെ കുറിച്ചും അവരുടെ വിദ്യാഭ്യാസത്തെ കുറിച്ചും ആ മേഖലയില്‍ നടത്താന്‍ ഉദ്ദേശിക്കുന്ന പ്രവര്‍ത്തനങ്ങളെ കുറിച്ചും വിശദീകരിച്ചു. പുതുതായി ആരംഭിക്കാനിരിക്കുന്ന കാന്‍സര്‍ കെയര്‍ സ​​െൻറർ, പുതിയ പദ്ധതിയായ ഗ്ലോബര്‍ മലയാളി റൗണ്ട് ടേബിള്‍ കോണ്‍ഫറന്‍സ്​, നാലാമതായി തുടങ്ങാനിരിക്കുന്ന യോഗ റീഹാബിലിയേഷന്‍ സ​​െൻറർ എന്നിവയെ കുറിച്ചും മോദിയോട്​ സംസാരിച്ചു.

mohanlal-blog-1

ജീവിതത്തിൽ താൻ പരിചയപ്പെട്ട ഏറ്റവും നല്ല ‘ക്ഷമയുള്ള കേൾവിക്കാരനാണ്​ മോദിയെന്നും പറഞ്ഞ കാര്യങ്ങളെല്ലാം അദ്ദേഹം മൗനത്തോടെ കേട്ടിരുന്നുവെന്നും മോഹൻലാൽ പറഞ്ഞു. കൂടിക്കാഴ്ചയുടെ പോസിറ്റിവ് തരംഗങ്ങള്‍ തന്നില്‍ ഇപ്പോഴും നില നില്‍ക്കുന്നുണ്ട്​, എല്ലാ കാര്യങ്ങൾക്കുമുള്ള പിന്തുണയും മോദി ഉറപ്പാക്കിയതായി അദ്ദേഹം ബ്ലോഗിൽ കുറിച്ചു.

താൻ അങ്ങോ​േട്ടാ മോദി ഇങ്ങോ​േട്ടാ ഒരു തരി പോലും രാഷ്​ട്രീയം പറഞ്ഞില്ല. രാഷ്​ട്രീയവും രാഷ്​ട്ര നിർമാണവും രണ്ടും രണ്ടാണെന്നും കേരളത്തെ കുറിച്ച്​ ചെറിയ കാര്യങ്ങൾ പോലും മനസിലാക്കി വെച്ച ആളാണ്​ മോദിയെന്നും മോഹൻലാൽ കൂട്ടിച്ചേർത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:narendra modiMohanlalmalayalam newsmovie news
News Summary - mohanlal's blog on naredra modi visit-movie news
Next Story