വധുവിനെ ആവ​ശ്യമുണ്ട്​; അവതാരകൻ മിഥു​െൻറ ഫേസ്​ബുക്ക്​ പോസ്​റ്റ്​ വൈറലാകുന്നു

നടനും അവതാരകനുമായ മിഥുൻ രമേഷ്​ ഫേസ്​ബുക്കിൽ ഒരു പോസ്​റ്റിട്ടു. ‘വധുവിനെ ആവ​ശ്യമുണ്ട്’​. മിഥു​​​െൻറ ഫേസ്​ബുക്ക്​ പോസ്​റ്റ്​ കണ്ട്​ അമ്പര​ന്നവർക്ക്​ പോസ്​റ്റ്​ മുഴുവൻ വായിച്ചതോടെയാണ്​ സമാധാനമായത്​. ഇന്ത്യൻ സർകാരിന്​ കീഴ​ിലുള്ള പ്രവാസി ഭാരതി ഫിലിം പ്രൊഡക്ഷ​​​െൻറ ബാനറില്‍ ഒരുങ്ങുന്ന ‘ഓ മൈ ഡോഗ്’ എന്ന ചിത്രത്തിന്റെ കാസ്റ്റിംഗ് കോളാണ്​ വെറൈറ്റിയായി മിഥുൻ ഫേസ്​ബുക്കിൽ പങ്കുവെച്ചത്​. 

ദുബായിയില്‍ വ്യവസായിയും സ്ഥിരതാമസവുമായ യുവാവിന്, അനുയോജ്യരായ തത്തുല്യ യോഗ്യതയുള്ള സുന്ദരിയായ യുവതികളില്‍ നിന്നും ആലോചനകള്‍ ക്ഷണിക്കുന്നു. എന്ന് അവന്‍റെ അപ്പന്‍, ജോണ്‍ അടയ്ക്കാക്കാരന്‍. ചിത്രത്തിലേക്ക്​ ഒരു പട്ടിയെ ആവശ്യ​മുണ്ട്​ എന്നാണ്​ ​േപാസ്​റ്റി​​​െൻറ ഉദ്ദേശ്യം. 

രാജു ചന്ദ്ര സംവിധാനം നിര്‍വ്വഹിക്കുന്ന ചിത്രത്തിൽ ഒരു  പട്ടിയാണ് പ്രധാന കഥാപാത്രമായെത്തുന്നത്. പൂർണ്ണമായും ദുബായിൽ ചിത്രീകരിക്കുന്ന ചിത്രത്തിൽ നായകനാകുന്നത്​ മിഥുൻ രമേഷാണ്​. 

യൂട്യൂബ്​ വ്ലോഗുകളിലൂടെ പ്രേക്ഷകരുടെ പ്രിയങ്കരിയായ ലക്ഷ്​മി മേനോനാണ്​ മിഥു​​​െൻറ ഭാര്യ. ഇവർക്ക്​ ഒരു മകളുണ്ട്​.