ആദ്യദിന കളക്ഷൻ: താര സിനിമകളെ മറികടന്ന്​ 'മെക്​സിക്കൻ അപാരത'

ദുൽഖർ സൽമാ​െൻറയും പൃഥ്വിരാജി​െൻറയും മമ്മു​ട്ടിയുടെയും സിനിമകളുടെ ആദ്യദിന കളക്ഷൻ റെക്കോർഡ്​ മറികടന്ന്​ ടോവിനോ. വെള്ളിയാഴ്​ച തിയേറ്ററുകളിലെത്തിയ ടോവിനോയുടെ മെക്​സിക്കൻ അപാരതയാണ്​ മലയാളത്തിലെ സൂപ്പർ താരങ്ങളുടെ ആദ്യദിന കളക്ഷൻ റെക്കോർഡ്​ മറികടന്നത്​.

രൺജി പണിക്കർ സംവിധാനം ചെയ്​ത്​ മമ്മുട്ടി നായകനായെത്തിയ കസബ 2.48 കോടിയായിരുന്ന ആദ്യദിനം നേടിയത്​. സത്യൻ അന്തിക്കാടി​െൻറ സംവിധാനത്തിൽ ദുൽഖർ സൽമാൻ നായകനായെത്തിയ ജോമോ​െൻറ സുവിശേഷങ്ങളുടെ ആദ്യദിന കളക്ഷ​ൻ 2.71 കോടിയായിരുന്നു. പൃഥ്വിരാജി​െൻറ എസ്ര ആദ്യദിനം തിയേറ്ററുകളിൽ നിന്ന്​ വാരിയത്​ 2.65 കോടിയായിരുന്നു. ഇവയെല്ലാം വെല്ലുന്ന കളക്ഷനാണ്​ മെക്​സിക്കൻ അപാര​ത നേടയതെന്നാണ്​ നിർമാതാക്കളുടെ അവകാശ വാദം. മൂന്ന്​ കോടി രൂപയാണ്​ മെക്​സിക്കൻ അപാരതയുടെ ആദ്യദിന കളക്ഷൻ.

139 സെൻറുകളിലായിരുന്നു സിനിമയുടെ റിലീസ്. അതില്‍ പകുതിയിലധികം സെൻററുകളിൽ രാവിലെ 7 മണിക്ക് ആദ്യ പ്രദര്‍ശനം തുടങ്ങി. ഇന്നലത്തെ എല്ലാ ഷോകളും ഹൗസ്ഫുള്‍ ആയിരുന്നു. വന്‍ തിരക്ക് കാരണം പല തീയറ്ററുകളിലും രാത്രി 12.20നൊക്കെയാണ് അവസാന പ്രദര്‍ശനങ്ങള്‍ നടന്നത്. മൂന്നു കോടിയാണ് ആദ്യദിനം ചിത്രം നേടിയിരിക്കുന്നതെന്ന്​ സിനിമയുടെ നിർമാതാവ്​ അനൂപ്​ കണ്ണൻ പറഞ്ഞു.