മറഡോണയുടെ ഒരു ദിവസത്തെ തിയറ്റർ കളക്ഷൻ ദുരിതാശ്വാസ നിധിയിലേക്ക്​ VIDEO

ടൊവിനോ തോമസ്​ നായകനായ മറഡോണയുടെ ഒരു ദിവസത്തെ തീയറ്റർ കളക്ഷൻ പ്രളയക്കെടുതി അനുഭവിക്കുന്നവർക്ക്​ സംഭാവനയായി നൽകാനൊരുങ്ങി അണിയറ പ്രവർത്തകർ. മുഖ്യമന്ത്രിയുടെ ദുരിതാശ്വാസ ഫണ്ടിലേക്കാണ്​ ചിത്രത്തി​​െൻറ ഒരു ദിവസത്തെ കലക്ഷൻ കൈമാറുക. സംവിധായകൻ വിഷ്​ണു നാരായൺ, തിരക്കഥാകൃത്ത്​ കൃഷ്​ണമൂർത്തി എന്നിവർക്കൊപ്പം ഫേസ്​ബുക്ക്​ ലൈവ്​ വീഡിയോയിലൂടെയാണ്​ ടൊവിനോ ഇൗ വാർത്ത പങ്കുവെച്ചത്​. 

ടിറ്റോ വിൽസൺ മറ്റൊരു ​പ്രധാനവേഷത്തിലെത്തിയ ചിത്രത്തിൽ പുതുമുഖം ശരണ്യ ആർ. നായരാണ്​ നായികയായി എത്തുന്നത്​. ജൂലൈ 27ന്​ തിയറ്ററുകളിലെത്തിയ ചിത്രം മികച്ച പ്രതികരണങ്ങളാണ്​ നേടുന്നത്​. എസ്​ വിനോദ്​ കുമാറാണ്​ ചിത്രം നിർമിച്ചിരിക്കുന്നത്​.