മമ്മൂട്ടി ചിത്രം പരോളിന്‍റെ റിലീസ് വീണ്ടും മാറ്റി

മമ്മൂട്ടി ചിത്രം പരോളിന്‍റെ റിലീസ് വീണ്ടും മാറ്റി. ഏപ്രിൽ അഞ്ചിന് പ്രഖ്യാപിച്ചിരുന്ന തീയതി ആറിലേക്ക് മാറ്റി. നവാഗതനായ ശരത്​ സന്ദിത്​ ആണ് ചിത്രം സംവിധാനം ചെയ്യുന്നത്. ജയിൽ പശ്ചാത്തലമാക്കിയുള്ള ചിത്രത്തിൽ സഖാവായാണ് മമ്മൂട്ടിയെത്തുന്നത്. തിരക്കഥ​ അജിത്​ പൂജപ്പുരയുടെതാണ്​. 

സിദ്ധിഖ്​, മിയ ജോർജ്​, ഇനിയ, മുത്തുമണി, ലാലു അലക്​സ്​, സുരാജ്​ വെഞ്ഞാറമൂട്​, സുധീർ കരമന, കലാഭവൻ ഹനീഫ്​, അലെൻസിയർ തുടങ്ങി വൻ താരനിരയുമായാണ്​ പരോ​ൾ എത്തുന്നത്​. എസ്​. ലോകനാഥൻ ഛായാഗ്രഹണം നിർവഹിക്കുന്നു. ശരത്​, എൽവിൻ ജോഷ്വ എന്നിവരുടേതാണ്​ സംഗീതം. ചിത്രം നിർമിക്കുന്നത് ആൻറണി ഡിക്രുസ് ആണ്.