‘തീറ്റ റപ്പായി’ സിനിമ റിലീസിങ്ങിന്​ താൽക്കാലിക സ്​റ്റേ

കൊച്ചി: ഇൗ മാസം ഏഴിന്​ പുറത്തിറങ്ങാനിരുന്ന ‘തീറ്റ റപ്പായി’ സിനിമയുടെ റിലീസിങ്​ എറണാകുളം അഡീഷനൽ സെഷൻസ്​ കോടതി താൽക്കാലികമായി തടഞ്ഞു. എരൂർ സ്വദേശി സി.എ. സജീവൻ നൽകിയ ഹരജി പരിഗണിച്ചാണ്​ കോടതി ഉത്തരവ്​.

കെ.ബി.എം ക്രിയേഷൻസ്​ നിർമിക്കുന്ന ചിത്രത്തി​​െൻറ കഥ, തിരക്കഥ, സംഭാഷണം എന്നിവ നിർവഹിച്ചത്​ താനായിരുന്നെന്നും എന്നാൽ, റിലീസിങ്ങിന്​ മുന്നോടിയായി പുറത്തിറക്കിയ പോസ്​റ്ററുകളിൽ കഥയും തിരക്കഥയും മറ്റൊരാളുടെ പേരിലാക്കി മാറ്റിയതായും ഹരജിയിൽ പറയുന്നു. രേഖകൾ പരിശോധിച്ച കോടതി ഇനി ഒരു ഉത്തരവുണ്ടാകുന്നതുവരെ ചിത്രത്തി​​െൻറ റിലീസിങ്​ തടയുകയായിരുന്നു.

എതിർകക്ഷികൾക്ക്​ നോട്ടീസ്​ അയക്കാനും കോടതി ഉത്തരവുണ്ട്​. കേസ്​ വീണ്ടും ഇൗ മാസം 11ന്​ പരിഗണിക്കും.