കുഞ്ചാക്കോ ബോബനെ ഭീഷണിപ്പെടുത്തിയ കേസ്​: പ്രതിക്ക്​ ഒരുവർഷം തടവ്​

08:58 AM
01/06/2019
Kunchacko Boban-entertainment news

കൊച്ചി: നടൻ കുഞ്ചാക്കോ ബോബനെ കത്തികാട്ടി കൊല്ലുമെന്ന്​ ഭീഷണിപ്പെടുത്തിയ കേസിലെ പ്രതിക്ക്​ ഒരുവർഷം തടവ്​. തോപ്പുംപടി മൂലങ്കുഴി അത്തിക്കുഴി വീട്ടിൽ സ്​റ്റാൻലി ജോസഫിനെയാണ്​ (76) എറണാകുളം ജുഡീഷ്യൽ ഫസ്​റ്റ്​ ക്ലാസ്​ മജിസ്ട്രേട്ട് കോടതി ശിക്ഷിച്ചത്. എറണാകുളം സൗത്ത് റെയിൽവേ സ്​റ്റേഷന്​ സമീപം 2018 ഒക്ടോബർ അഞ്ചിന് അർധരാത്രിയാണ്​ കേസിനാസ്​പദമായ സംഭവം. 

കണ്ണൂരിലെ സിനിമ ചിത്രീകരണസ്​ഥലത്തേക്ക്​ പോകാൻ കുഞ്ചാക്കോ ബോബൻ റെയിൽവേ സ്​റ്റേഷനിലെത്തിയപ്പോഴാണ്​ പ്രതി കത്തിവീശി കൊല്ലുമെന്ന്​ ഭീഷണിപ്പെടുത്തി പാഞ്ഞടുത്തത്​. കുഞ്ചാക്കോ ബോബനടക്കം എട്ട്​ സാക്ഷികളെ വിസ്തരിച്ച കോടതി സി.സി ടി.വി ദൃശ്യങ്ങൾ അടക്കം പരിശോധിച്ചാണ്​ ശിക്ഷ വിധിച്ചത്. 

കൊല്ലുമെന്ന്​ ഭീഷണിപ്പെടുത്തിയതിന്​ ഒരുവർഷവും ആയുധനിരോധന നിയമപ്രകാരം ഒരുവർഷവും അടക്കം രണ്ടുവർഷം ശിക്ഷ വിധിച്ചിട്ടുണ്ടെങ്കിലും രണ്ടുംകൂടി ഒരുവർഷം അനുഭവിച്ചാൽ മതിയാവും. അറസ്​റ്റിലായ അന്നുമുതൽ പ്രതി ജുഡീഷ്യൽ കസ്​റ്റഡിയിലാണ്​. 
 

Loading...
COMMENTS