Begin typing your search above and press return to search.
proflie-avatar
Login
exit_to_app
exit_to_app
Homechevron_rightഒൗദ്യോഗിക വക്​താവ്​...

ഒൗദ്യോഗിക വക്​താവ്​ താൻ; സിദ്ദീഖ്​ വാർത്തസമ്മേളനം വിളിച്ചത്​ എന്തിനാണെന്ന്​ അറിയില്ല -ജഗദീഷ്​

text_fields
bookmark_border
Jagadeesh Stills-entertainment news
cancel
കൊച്ചി: ‘അമ്മ’യുടെ ഒൗദ്യോഗിക വക്​താവ്​ താൻ തന്നെയാണെന്ന്​ ട്രഷറർ ജഗദീഷ്​. നേതൃത്വം ആവശ്യപ്പെട്ടതനുസരിച്ചാണ്​ താൻ പത്രക്കുറിപ്പ്​ ഇറക്കിയതെന്നും എന്നിട്ടും സിദ്ദീഖ്​ വാർത്തസമ്മേളനം വിളിച്ചത്​ എന്തിനാണെന്ന്​ അറിയില്ലെന്നും ജഗദീഷ്​ ‘മാധ്യമ’ത്തോട്​ പറഞ്ഞു. മോഹൻലാലാണ്​ എന്നെ ഒൗദ്യോഗിക വക്​താവായി ചുമതലപ്പെടുത്തിയത്​. അദ്ദേഹത്തെ പത്രക്കുറിപ്പിലെ ഒാരോ വാചകവും വായിച്ചുകേൾപ്പിച്ചിരുന്നു. ചില മാറ്റങ്ങൾ നിർദേശിച്ചു.

പ്രളയദുരിതാശ്വാസവുമായി ബന്ധപ്പെട്ട്​ ‘അമ്മ’ നടത്തുന്ന പ്രവർത്തനങ്ങൾ കൂടി പരാമർശിക്കണമെന്ന്​ അദ്ദേഹം ആവശ്യപ്പെട്ടു. ഭാരവാഹികളുടെയെല്ലാം വാട്​സ്​ആപ്പിലേക്ക്​ പത്രക്കുറിപ്പ്​ അയച്ചുകൊടുക്കുകയും ചെയ്​തു. അതിൽ പറഞ്ഞ ഒാരോ കാര്യവും സത്യമാണ്​. താനും സിദ്ദീഖും പറഞ്ഞ കാര്യങ്ങളിൽ വൈരുധ്യമില്ല. സിദ്ദീഖ്​ നടപടിക്രമങ്ങൾ കുറച്ച്​ വിശദീകരിച്ചു എന്നുമാത്രം. ത​​െൻറ പത്രക്കുറിപ്പ്​ കണ്ടതോടെ ഇക്കാര്യത്തിലുള്ള അ​ദ്ദേഹത്തി​​െൻറ ആശയക്കുഴപ്പം മാറിയെന്നാണ്​ കരുതുന്നത്​.

സാംസ്​കാരിക കേരളം ശ്രദ്ധിച്ചുകൊണ്ടിരിക്കുന്നതാണ്​ ഇപ്പോൾ ‘അമ്മ’യുമായി ബന്ധപ്പെട്ട വിഷയങ്ങൾ. അതിനെ തളർത്തിയിടാനോ തണുപ്പിച്ച്​ നിർത്താനോ കഴിയില്ല. പ്രശ്​നപരിഹാരത്തിന്​ അനുനയത്തി​​െൻറ പാത സ്വീകരിക്കണമെന്നുതന്നെയാണ്​ ത​​െൻറ നിലപാട്​. ഇടത്തരം കുടുംബത്തിൽ ജനിച്ച തനിക്ക്​ സമരത്തി​​െൻറ മാർഗമല്ല, സമരസത്തി​​െൻറ മാർഗത്തോടാണ്​ യോജിപ്പ്​. ജനറൽ ബോഡി യോഗം അധികം വൈകാതെ ചേരാനുള്ള സാധ്യതയാണ്​ ഇപ്പോഴും നിലനിൽക്കുന്നത്​. ധാർമികതയിലൂന്നിയ പരിഹാരം കണ്ടെത്താനാകുമെന്നാണ്​​ ഇപ്പോഴും പ്രതീക്ഷിക്കുന്നതെന്നും ജഗദീഷ്​ പറഞ്ഞു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ammamoviesmalayalam newswccjagadeeshsidheekh
News Summary - jagadeesh vs sidheekh- movies
Next Story