'ചങ്ക്​സി'ൽ മെക്ക്​ റാണിയായി ഹണി റോസ്​

ഹാപ്പി വെഡ്ഡിങ്ങിന്​ ശേഷം ഒമർ സംവിധാനം ചെയ്യുന്ന സിനിമ 'ചങ്ക്​സി'ൽ നായികയായി ഹണി റോസ്​ എത്തുന്നു.  എഞ്ചിനീയറിങ്​ വിദ്യാർഥികളുടെ ജീവിതമാണ്​ സിനിമയുടെ പ്രമേയം. ​മെക്കാനിക്ക്​ എഞ്ചിനീയറിങ്​​ ക്ലാസിലെ എക പെൺകുട്ടിയായാണ്​ ഹണിറോസ്​ സിനിമയിൽ വേഷമിടുന്നത്​. 

ബാലു വർഗീസ്​, ധർമജൻ, ഗണപതി, അനന്ദം ഫെയിം വിശാഖ്​ നായർ എന്നിവരാണ്​ മറ്റ്​ പ്രധാന കഥാപാത്രങ്ങളെ അവതരിപ്പിക്കുന്നത്​. 

സിനിമയുടെ ചിത്രീകരണം ഫെബ്രുവരി ഒമ്പതിന്​ ആരംഭിക്കുമെന്ന്​ സംവിധായകൻ ഒമർ അറിയിച്ചു. സിനിമയിൽ ശക്​തമായ കഥാപാത്രമാണ്​ ഹണിറോസ്​ അവതരിപ്പിക്കുന്നതെന്നും അദ്ദേഹം പറഞ്ഞു.