ഉത്തരവ്​ കത്തിച്ച അധ്യാപകർ മണികണ്ഠ​െൻറ അടുത്ത്​ ട്യൂഷന്​ പോകണം -ഹരീഷ്​ പേരടി

കോഴിക്കോട്: സാലറി ചലഞ്ചുമായി ബന്ധപ്പെട്ട സര്‍ക്കാര്‍ ഉത്തരവ് കത്തിച്ച അധ്യാപകർക്കെതിരെ പലയിടങ്ങളിൽ നിന്നു ം പ്രതിഷേധമുയർന്നിരുന്നു​. കെ.പി.എസ്.ടി.എയുടെ പ്രതിഷേധത്തി​​​​െൻറ ഭാഗമായിട്ടായിരുന്നു അധ്യാപകർ ഉത്തരവ്​ കത് തിച്ച്​ ​സമൂഹ മാധ്യമങ്ങളിൽ പങ്കുവെച്ചത്​.

അധ്യാപകരുടെ നടപടിയെ പരിഹസിച്ചുകൊണ്ട്​ എത്തിയിരിക്കുകയാണ്​ പ ്രശസ്​ത സിനിമാ താരം ഹരീഷ്​ പേരടി. മാസവരുമാനത്തിലെ ഒരു പങ്ക് ദുരിതകാലത്തെ നേരിടാൻ സർക്കാർ ചോദിച്ചപ്പോൾ ആ സർക്കാർ ഉത്തരവ് കത്തിച്ച അധ്യാപക വർഗത്തിന് ഇനി സിനിമാ താരം മണികണ്ഠ​​​​െൻറ അടുത്ത് ധൈര്യമായി ട്യൂഷന് പോവാമെന്നാണ്​ ഹരീഷ്​ ഫേസ്​ബുക്കിൽ കുറിച്ചിരിക്കുന്നത്​.

ലോക്​ഡൗണിനെ തുടർന്ന്​ ലളിതമായി വിവാഹം നടത്തിയ മണികണ്ഠൻ വിവാഹച്ചിലവുകൾക്കായി കരുതിയ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക്​ സംഭാവന ചെയ്​തിരുന്നു.

ഹരീഷ്​ പേരാടിയുടെ ഫേസ്​ബുക്ക്​ പോസ്റ്റ്​

മാസവരുമാനത്തിലെ ഒരു പങ്ക് ദുരിതകാലത്തെ നേരിടാൻ സർക്കാർ ചോദിച്ചപ്പോൾ ആ സർക്കാർ ഉത്തരവ് കത്തിച്ച അധ്യാപക വർഗത്തിന് ഇനി മണികണ്ഠ​​​​െൻറ അടുത്ത് ധൈര്യമായി ട്യൂഷന് പോവാം... ത​​​​െൻറ വിവാഹ ചിലവി​ന്റെ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയത മണികണ്ഠ​​​െൻറ അടുത്ത് പോയി സാമൂഹ്യബോധം പഠിച്ചതിനുശേഷം മാത്രമെ ഈ കത്തിക്കൽ കൂട്ടം വിദ്യാർഥി സമൂഹത്തെ അഭിമുഖികരിക്കാൻ പാടുള്ളു...

മണികണ്‌ഠാ, നാടകക്കാരാ, നീ കല്യാണം മാത്രമല്ല കഴിച്ചത്...കേരളത്തി​​​െൻറ പൊതുബോധത്തെ ഉയർത്തിപിടിക്കുന്ന ഒരു യഥാർഥ അധ്യാപകനായി മാറുക കൂടിയാണുണ്ടായത്...ആശംസകൾ... കമ്മട്ടിപാടത്തിലെ ബാല​ന്റെ ഡയലോഗ് എനിക്കിപ്പോഴാണ് പറയാൻ തോന്നുന്നത്... "കൈയ്യടിക്കെടാ".