മൂത്തോൻ ഒരുക്കിയത് 20 വർഷം മുമ്പ് ആത്മഹത്യ ചെയ്ത ഗേ സുഹൃത്തിനുവേണ്ടി -ഗീതു മോഹൻദാസ്

കൊച്ചി: സ്വവർഗ പ്രണയം വിഷയമാക്കിയ മൂത്തോൻ എന്ന സിനിമ ചെയ്തത് 20 വർഷം മുമ്പ് ആത്മഹത്യ ചെയ്ത ഉറ്റ സുഹൃത്തും ഗേയുമ ായ മൈക്കിളിനുവേണ്ടിയാണെന്ന് സംവിധായിക ഗീതു മോഹൻദാസ്. ‘‘മൈക്കിൾ ഭയപ്പെടുകയും നിശ്ശബ്​ദനാക്കപ്പെടുകയുമായിരു ന്നു. അവനുവേണ്ടി ഒന്നും ചെയ്യാനായില്ലെന്ന കുറ്റബോധം തന്നെ വേട്ടയാടിയിരുന്നു. അവനുവേണ്ടിയുള്ള ശബ്​ദമാണ് മൂത്തോൻ. നിങ്ങൾക്ക്​ ഓരോരുത്തർക്കും വേണ്ടിയുള്ള ചിത്രമാണിത്’’ മുന്നിലിരിക്കുന്ന എൽ.ജി.ബി.ടി.ക്യു വിഭാഗത്തെ അഭിസംബോധന ചെയ്യവെ ഗീതുവി​​​െൻറ വാക്കുകളിടറുകയും കണ്ണുനിറയുകയും ചെയ്തു.

ക്വീർ പ്രൈഡ് മാർച്ചിന്​ ശേഷമുള്ള സമ്മേളനത്തിൽ മുഖ്യാതിഥിയായി സംസാരിക്കുകയായിരുന്നു അവർ. ‘ഇത് മാറ്റത്തിനുള്ള സമയമാണ്. ക്വീർ പ്രൈഡ് മാർച്ച് ഇനി അടുത്തവർഷം നടത്താനായി കാത്തിരിക്കേണ്ട, ഈ വർഷം തന്നെ നമുക്ക് കഴിയുന്നത് ചെയ്യണം. സിനിമയെന്ന മാധ്യമത്തിലൂടെ ഈ സമൂഹത്തിനുവേണ്ടി ചെയ്യാനാവുന്നത് താനും ചെയ്യും- ഗീതു മോഹൻദാസ് കൂട്ടിച്ചേർത്തു. ക്വീർ ആക്ടിവിസ്​റ്റ്​ ഫൈസൽ ഫൈസു ഉദ്ഘാടനം ചെയ്തു. ട്രാൻസ്ജെൻഡർ ബോർഡ് അംഗം ശീതൾ ശ്യാം മുഖ്യപ്രഭാഷണം നടത്തി. നസീമ അധ്യക്ഷതവഹിച്ചു. രഞ്ജിനി ഹരിദാസ്, വിജയ രാജമല്ലിക, ഗാർഗി ഹരിതകം, ചിഞ്ചു അശ്വതി, രേഷ്മ ഭരദ്വാജ് എന്നിവർ സംസാരിച്ചു.