അപേക്ഷിക്കുന്നു; സോളോയെ കൊല്ലരുത് -ദുൽഖർ

സിനിമ കണ്ടതിന് ശേഷം പ്രതികരിക്കാമെന്നാണ് കരുതിയത്. ഇന്നാണ് ചിത്രം കാണാനായത്. വിചാരിച്ചതിനേക്കാൾ മികച്ച രീതിയിലാണ് ചിത്രം ഒരുക്കിയിരിക്കുന്നത്. ചിത്രത്തിലെ ഒരോ സീനും ഇഷ്ടപ്പെട്ടു. വ്യത്യസ്ത ചിത്രങ്ങൾ ചെയ്യണമെന്നതിനാലാണ് സോളോ പോലുള്ള സിനിമകളിൽ താനഭിനയിക്കുന്നത്. സോളോ ഒരിക്കലും ചാർളി, ബാംഗ്ലൂർ ഡെയ്സ് പോലെയുള്ള ചിത്രമല്ല. അതിനാൽ കൂടിയാണ് താൻ ഈ ചിത്രത്തിൽ അഭിനയിച്ചതെന്നും ദുൽഖർ പറഞ്ഞു. 

കറുത്ത ഹാസ്യം(Black Humor) പലപ്പോഴും മനസിലാക്കാൻ ബുദ്ധിമുട്ടാണ്. എന്ന് കരുതി നിരന്തരം ചിത്രത്തെ കുറിച്ച് മോശം പ്രചാരണങ്ങൾ നടത്തുന്നത് ഞങ്ങളുടെ ഹൃദയം തകർക്കുന്നു. അത് കൊണ്ട് തന്നെ സോളോയെ കൊല്ലരുതെന്ന് അപേക്ഷിക്കുകയാണ്. തുറന്ന മനസോടെ കണ്ടാൽ ചിത്രം നിങ്ങൾക്കിഷ്ടമാകും. താൻ ബിജോയ് നമ്പ്യാരോടൊപ്പം നിൽക്കുന്നു. അദ്ദേഹത്തിന്‍റെ ആവിഷ്കാരത്തിൽ കൈകടത്തലുകൾ നടത്തുന്നതും ആ ചിത്രത്തെ കൊല്ലുന്നതിന് തുല്യമാണെന്നും പറഞ്ഞ് ദുൽഖർ കുറിപ്പ് അവസാനിപ്പിക്കുന്നു.