നടി ദിവ്യാ ഉണ്ണി വീണ്ടും വിവാഹിതയായി

മലയാളികളുടെ പ്രിയ നടി ദിവ്യാ ഉണ്ണി വീണ്ടും വിവാഹിതയായി. തിരുവനന്തപുരം സ്വദേശി അരുൺ കുമാർ മണികണ്​ഠനാണ്​ വരൻ. ഞായറാഴ്​ച അമേരിക്കയിലെ ഹൂസ്​റ്റണിലായിരുന്നു വിവാഹം.  അമേരിക്കൻ മലയാളിയായ ഡോ. സുധീറുമായുള്ള വിവാഹ ബന്ധം കഴിഞ്ഞ വർഷം ഒാഗസ്​റ്റിൽ വേർപ്പെടുത്തിയിരുന്നു. ഇൗ ബന്ധത്തിൽ രണ്ട്​ മക്കളുണ്ട്​. ഇരുവരും ദിവ്യാ ഉണ്ണിക്കൊപ്പമാണ്​.

അമേരിക്കയിലെ ഹുസ്​റ്റണിലുള്ള ഗുരുവായൂരപ്പൻ ​ക്ഷേത്രത്തിലാണ്​ വിവാഹം നടന്നത്​. എഞ്ചിനീയറായ അരുൺ നാല്​ വർഷമായി ഹൂസ്​റ്റണിലാണ്​ താമസം. അടുത്ത ബന്ധുക്കളും സുഹൃത്തുക്കളും മാത്രമാണ്​ വിവാഹത്തിൽ പ​െങ്കടുത്തത്​. ഹൂസ്​റ്റണിൽ നൃത്ത വിദ്യാലയം നടത്തുകയാണ്​ ദിവ്യ ഇപ്പോൾ.