പാർവതിക്കെതിരെ വീണ്ടും; മൈ സ്റ്റോറിയിലെ രണ്ടാം ഗാനത്തിനും ഡിസ് ലൈക്കുകൾ 

നടി പാർവതിയുടെ മൈ സ്റ്റോറിയിലെ രണ്ടാം ഗാനത്തിനെതിരെയും ഡിസ് ലൈക് ക്യാമ്പൈൻ. കഴിഞ്ഞ ദിവസം റിലീസ് ചെയ്ത ഗാനത്തിന് പതിനായിരത്തിലേറെ ഡിസ് ലൈകുകളാണ് ലഭിച്ചത്. 5000 ലൈക്സ് മാത്രമാണ് ലഭിച്ചത്. 

കസബാ സിനിമക്കെതിരായ പരാമർശത്തി​​​​െൻറ പേരിൽ സാമൂഹിക മാധ്യമങ്ങളിൽ സൈബർ ആക്രമണം നേരിട്ടതിന് പിന്നാലെ മൈ സ്റ്റോറിയിലെ ആദ്യ ഗാനത്തിനെതിരെയും ഡിസ് ലൈക് ക്യാമ്പയിൻ നടന്നിരുന്നു.  

രോഷ്​നി ദിനകർ സംവിധാനം ചെയ്യുന്ന ‘മൈ സ്​റ്റോറിയിലെ പാട്ടും​ ചിത്രീകരണ ദൃശ്യവും മുമ്പ് യൂട്യൂബിലൂടെ പുറത്ത്​ വിട്ടിരുന്നു. മിനിറ്റുകൾക്കകം യൂട്യൂബിൽ പാട്ടിനെ​തിരെ സംഘം ചേർന്ന്​ അന്ന് ആക്രമണമുണ്ടായിരുന്നു. ചിത്രീകരണ ദൃശ്യത്തിന്​ 41000 ഡിസ്​ലൈക്കുകളാണ്​ ലഭിച്ചത്​. 4000 ലൈക്കുകളും. ഇതുകൊണ്ടും കലിയടങ്ങാതെ ഗാനത്തിനെതിരെയും അനിഷ്​ടം കാട്ടി ആരാധകർ. പുറത്ത്​ വന്ന്​ 11 മണിക്കൂറുകൾ മാത്രമായപ്പോൾ 19000 ഡിസ്​ലൈക്കുകളാണ്​ പാട്ടിന്​ ലഭിച്ചത്​​.

പുതുമുഖ സംവിധായികയായ രോഷ്​നി ദിനകർ ഏറെ പണിപെട്ടാണ് മൈ സ്​റ്റോറിയുടെ​ ചിത്രീകരണം പൂർത്തിയാക്കിയത്​. സിനിമയുടെ ആദ്യ ഷെഡ്യൂൾ അവസാനിച്ചത്​ 2016 ഡിസംബറിലായിരുന്നു. പൃഥ്വി രാജി​​​​െൻറ ഡേറ്റില്ലാത്തതിനാൽ നീണ്ട 10 മാസങ്ങൾ രണ്ടാം ഷെഡ്യൂളിനായി കാത്ത്​ നിന്ന രോഷ്​നി സഹികെട്ട്​ ഫിലിം ചേമ്പറിൽ പരാതി നൽകിയിരുന്നു. തുടർന്നാണ്​ 37 ദിവസങ്ങൾ നീണ്ട രണ്ടാം ഷെഡ്യൂളിന്​ വേണ്ടി പൃഥ്വിരാജി​​​​െൻറ ഡേറ്റ്​ ലഭിച്ചത്​​. 13 കോടിയോളം മുടക്കി രോഷ്​നിയും ഭർത്താവുമാണ് മൈ സ്​റ്റോറി നിർമിച്ചത്​​​.