ദിലീപ് വ്യാജ മെഡിക്കൽ രേഖയുണ്ടാക്കിയെന്ന് ഡോക്ടറുടെ മൊഴി

കൊച്ചി: നടിയെ ആക്രമിച്ച കേസിൽ ഗൂഢാലോചനക്കുറ്റം ചുമത്തപ്പെട്ട നടൻ ദിലീപ്​ വ്യാജരേഖ ചമച്ചെന്ന്​ കണ്ടെത്തൽ. സംഭവ ദിവസങ്ങളിൽ സ്വകാര്യ ആശുപത്രിയിൽ ചികിത്സയിലായിരുന്നെന്ന്​ വരുത്താൻ ദിലീപ്​ കൃ​ത്രിമ രേഖ ഉണ്ടാക്കിയെന്ന്​ കണ്ടെത്തിയതായാണ്​ പൊലീസ്​ പറയുന്നത്​. ഫെബ്രുവരി 17നാണ്​ നടി ആക്രമിക്കപ്പെട്ടത്​. ആ ദിവസങ്ങളിൽ പനിക്ക്​ ചികിത്സയിലായിരുന്നെന്ന്​ ദിലീപ്​ മൊഴി നൽകിയിരുന്നു. ഇത്​ തെളിയിക്കാൻ ഫെബ്രുവരി 21 വരെ ചികിത്സയിലായിരുന്നു എന്ന്​ സ്ഥാപിക്കുന്ന രേഖ​ ചമച്ചെന്നാണ്​ പൊലീസ്​ പറയുന്നത്​​.

പനിയായതിനാൽ സംഭവദിവസം അധികം പേരുമായി സംസാരിച്ചില്ലെന്നും നടി ആക്രമിക്കപ്പെട്ട കാര്യം തൊട്ടുടത്ത ദിവസം രാവിലെയാണ്​ അറിഞ്ഞതെന്നും​ ദിലീപ്​ പൊലീസിനോട്​ പറഞ്ഞിരുന്നു​. എന്നാൽ, അന്നേദിവസം രാത്രി 2.30 വരെ ചിലരുമായി ദിലീപ്​ ഫോണിൽ സംസാരിച്ചതായി കണ്ടെത്തി. നടിക്ക്​ ​െഎക്യദാർഢ്യം പ്രഖ്യാപിച്ച്​ ​​ഫെബ്രുവരി 20ന്​ എറണാകുളം ദർബാർ ഹാൾ ഗ്രൗണ്ടിൽ താരസംഘടനയായ അമ്മ സംഘടിപ്പിച്ച സമ്മേളനത്തിൽ ദിലീപ്​ പ​െങ്കടുത്തിരുന്നു. തൊട്ടടുത്ത ദിവസങ്ങളിൽ സിനിമ ലൊക്കേഷനുകളിലും എത്തി.
ദിലീപി​നെ പരിശോധിച്ചതി​​െൻറയും ചികിത്സിച്ചതി​​െൻറയും രേഖകൾ കണ്ടെത്തിയെങ്കിലും ഇൗ ദിവസങ്ങളിൽ ആശുപത്രിയിൽ കഴിഞ്ഞിട്ടില്ലെന്നാണ്​ പൊലീസ്​ വാദം.

എന്നാൽ, വ്യാജരേഖ ചമച്ചെന്ന ആരോപണം അടിസ്ഥാനരഹിതമാണെന്ന്​ ദിലീപിനെ ചികിത്സിച്ച ആലുവ അൻവർ മെമ്മോറിയൽ ആശുപത്രിയിലെ ഡോ. ഹൈദരാലി പറഞ്ഞു. ഫെബ്രുവരി 14 മുതൽ 17 വരെ വൈറൽ പനിക്ക്​ ദിലീപ്​ ചികിത്സ തേടിയിരുന്നു. രാവിലെ ആശുപത്രിയിൽ വന്ന് ആൻറിബയോട്ടിക് ഇൻജക്​ഷൻ എടുത്ത ശേഷം ഡ്രിപ്പിട്ട് വിശ്രമിക്കും. വൈകീട്ട് വീട്ടിൽപോകും. രാത്രിയിലെ ഇൻജക്​ഷന്​ ആശുപത്രിയിൽനിന്ന് നഴ്‌സിനെ വീട്ടിലേക്ക് വിടുകയായിരുന്നു. അഡ്​മിറ്റ് ചെയ്യാത്തതിനാൽ ഒ.പി ശീട്ട് മാത്രമാണ് ഉപയോഗിച്ചിരുന്നത്. അതെല്ലാം മുമ്പുതന്നെ അന്വേഷണ ഉദ്യോഗസ്‌ഥർ കൊണ്ടുപോയിട്ടുണ്ട്. 

ചികിത്സക്കിടെ ‘രാമലീല’ സിനിമയുടെ അണിയറ പ്രവർത്തകർ ഷൂട്ടിങ്ങിന്​ ദിലീപിനെ വിടണമെന്ന് ആവശ്യപ്പെട്ടെങ്കിലും ആരോഗ്യസ്‌ഥിതി മോശമായതിനാൽ താൻ സമ്മതിച്ചില്ല. ദിലീപി​​െൻറ ചികിത്സയുമായി ബന്ധപ്പെട്ട് തന്നെ പലതവണ ചോദ്യം ചെയ്തിരുന്നു. അന്നെല്ലാം ഇക്കാര്യങ്ങൾ വ്യക്തമാക്കിയതാണ്. ആശുപത്രി ജീവനക്കാരെയും പലതവണ ചോദ്യം ചെയ്തിട്ടുണ്ടെന്നും അദ്ദേഹം പറഞ്ഞു.