ബംഗാളി സംവിധായക​െൻറ മലയാള സിനിമ;  ‘കത്തി നൃത്തം’

12:33 PM
27/02/2020

കഥകളി കലാകാര​​െൻറ ജീവിതത്തെ അടിസ്​ഥാനമാക്കി ബംഗാളി സംവിധായക​​െൻറ മലയാള സിനിമ വരുന്നു. ഇതാദ്യമായാണ്​ ബംഗാളിൽ നിന്നുള്ള ഒരു സംവിധായകൻ മലയാള സിനിമ ചെയ്യുന്നത്​. ‘കത്തി നൃത്തം’ എന്ന പേരിലുള്ള  സിനിമ തിരക്കഥയെഴുതി സംവിധാനം ചെയ്യുന്നത്​ അനീക്​ ചൗധരിയാണ്​. ഒ. ഹെൻട്രിയുടെ കാക്​റ്റസ്​ (കള്ളിമുൾച്ചെടി) എന്ന കഥയെ ആസ്​പദമാക്കി പരാജയപ്പെട്ട ഒരു കഥകളി നർത്തക​​െൻറ ജീവിതമാണ്​ സിനിമയുടെ ഇതിവൃത്തം. 

മലയാളി താരം ബിയോൺ, കഥകളി നർത്തകൻ രാഹുൽ ശ്രീനിവാസൻ എന്നിവർ ചിത്രത്തിൽ അഭിനയിക്കുന്നു. സുബൽ, സൗമ്യ എന്നിവരാണ്​ ഛായഗ്രാഹകർ. കൊൽക്കത്ത സത്യജിത്​ റായ്​ ഫിലിം ടെലിവിഷൻ ഇൻസ്​റ്റ്യൂട്ടിൽ നിന്നിറങ്ങിയ സുബലും സഹ സംവിധായിക മുക്​ത ചന്ദുമാണ്​ കാമറക്ക്​ പിറകിലെ മലയാളി സാന്നിധ്യം. തിരക്കഥാകൃത്ത്​ ദീദീ ദാമോദര​​െൻറയും ചലചിത്ര നിരൂപകൻ പ്രേം ചന്ദി​​െൻറയും മകളാണ്​ മുക്​ത. കേരളത്തിൽ കലാമണ്ഡലം ഉൾ​പ്പെടെയുള്ളയിടങ്ങളിൽ ചിത്രീകരിച്ച സിനിമയുടെ അധിക രംഗങ്ങളും ചിത്രീകരിച്ചത് കൊൽകത്തയിലാണ്. 

KATTI NRITTAM TRAILER | MARGARET HERRICK LIBRARY OSCARS from Aneek on Vimeo.

ബിയോൺ ഉൾപ്പെടെയുള്ളവർ അഭിനയിക്കുന്ന സിനിമയുടെ അവസാന ഷെഡ്യൂൾ മാർച്ചിൽ കൊൽക്കത്തയിൽ ആരംഭിക്കുമെന്ന്​ സംവിധായകൻ അനീക്​ ചൗധരി ‘മാധ്യമ’ത്തോട്​ പറഞ്ഞു. ഇന്ത്യൻ സിനിമകളിൽ നവീന ഭാവുകത്വം നിലനിർത്തുന്ന മലയാള സിനിമ തന്നെ സ്വാധീനിച്ചിട്ടുണ്ട്​. സനൽ കുമാർ ശശിധര​​െൻറ ‘എസ്​. ദുർഗ’, മഹേഷി​​െൻറ പ്രതികാരം, കുമ്പളങ്ങി നൈറ്റ്​സ്​, ആഷിഖ്​ അബു, ഫഹദ്​ ഫാസിൽ തുടങ്ങി തന്നെ ആകർഷിച്ച ഘടകങ്ങൾ ഒ​ട്ടേറെയാണ്​ നടൻ ബിയോണി​െന സിനിമയിലേക്ക്​ നിർദേശച്ചത്​ പ്രേം ചന്ദാണ്​. സിനിമക്ക്​ മലയാളി പ്രേക്ഷകരുടെ പിന്തുണ തേടുന്നതായും അനീക്​ പറഞ്ഞു. 

Loading...
COMMENTS