സ്ത്രീയായതുകൊണ്ട് അധിക്ഷേപിക്കുന്നു; ആശാ ശരത്ത് ഡി.ജി.പിക്ക് പരാതി നൽകി

തിരുവനന്തപുരം: സമൂഹമാധ്യമങ്ങളിൽ തനിക്കും കുടുംബത്തിനുമെതിരെ ഒരുവിഭാഗം സംഘടിത ആക്രമണം നടത്തുകയാണെന്നാരോപ ിച്ച് സംസ്ഥാന പൊലീസ് മേധാവിക്ക് നടി ആശാ ശരത്ത് പരാതി നൽകി. ‘എവിടെ’ എന്ന പുതിയ ചിത്രത്തി​​െൻറ പ്രമോഷനുമായി ബന ്ധപ്പെട്ട് ഫേസ്ബുക്ക് പേജിലിട്ട വിഡിയോ ഒരുവിഭാഗം എഡിറ്റ് ചെയ്ത് പ്രചരിപ്പിക്കുകയായിരു​െന്നന്നും ഇവർ തനിക് കും കുടുംബത്തിനുമെതിരെ സമൂഹമാധ്യമങ്ങളിൽ മോശം പ്രചാരണങ്ങൾ നടത്തിയെന്നും പരാതിയിൽ പറയുന്നു. ഇതുസംബന്ധിച്ച് സ്ക്രീൻ ഷോട്ടുകളും പരാതിക്കൊപ്പം കൈമാറിയിട്ടുണ്ട്.

ദിവസങ്ങൾക്കുമുമ്പ് കരഞ്ഞുകലങ്ങിയ കണ്ണും ഇടറുന്ന ശബ്​ദവുമായി, ഔദ്യോഗികപേജിലൂടെ ഒരു വിഡിയോ ആശാ ശരത്ത് പോസ്​റ്റ്​ ചെയ്തിരുന്നു. ഭർത്താവിനെ കാണാനില്ലെന്നും എത്രയും പെ​െട്ടന്ന് കണ്ടെത്താൻ ജനങ്ങൾ സഹായിക്കണമെന്നും ഭർത്താവിനെ കണ്ടുകിട്ടുന്നവർ കട്ടപ്പന പൊലീസ് സ്​റ്റേഷനിൽ വിവരം അറിയിക്കണമെന്നുമായിരുന്നു നടിയുടെ അഭ്യർഥന. വിഡിയോക്ക് മുകളിലും താഴെയുമായി ‘എവിടെ, പ്രമോഷൻ വിഡിയോ’ എന്നു തലക്കെട്ടുകൾ നൽകിയിരുന്നെങ്കിലും പലരും ഇത് ഒഴിവാക്കി പ്രചരിപ്പിക്കുകയായിരു​െന്നന്ന് ആശാ ശരത്ത് വാർത്തസമ്മേളനത്തിൽ പറഞ്ഞു.

വിഡിയോയുടെ അവസാനഭാഗത്തും സിനിമയെക്കുറിച്ച് സൂചിപ്പിച്ചിരുന്നു. പക്ഷേ, അതൊക്കെ എഡിറ്റ് ചെയ്ത് മാറ്റി. സ്ത്രീ ആയതിനാലാണ് തനിക്കുനേരെ സംഘടിത ആക്രമണം ഉണ്ടായതെന്നും താരം പറഞ്ഞു.

പ്രമോഷൻ വിഡിയോയുമായി ബന്ധപ്പെട്ട വിവാദങ്ങളൊന്നും സിനിമയെ ബാധിച്ചിട്ടില്ലെന്ന്​ നടനും നിർമാതാവുമായ പ്രേംപ്രകാശ് അറിയിച്ചു. സഹനിർമാതാവ് ജോയ് തോമസ്, സംവിധായകൻ കെ.കെ. രാജീവ് എന്നിവരും വാർത്തസമ്മേളനത്തിൽ പങ്കെടുത്തു.