അൽഫോൻസ് ഇനി ഹിന്ദിയിൽ; നേരം, പ്രേമം ഇവയിൽ ഏത് വേണം ?

പ്രേമത്തിന് ശേഷം അൽഫോൻസ് പുത്രൻ ചിത്രത്തിനായി കാത്തിരിക്കുന്നവർക്ക് സന്തോഷവാർത്ത. തന്‍റെ അടുത്ത ചിത്രം ഹിന്ദിയിലായിരിക്കുമെന്ന സൂചന നൽകുന്ന കുറിപ്പ് അദ്ദേഹം ഫേസ്ബുക്കിലിട്ടു. ഇപ്പോൾ മുംബൈയിലുള്ള പുത്രൻ ചിത്രത്തിന്‍റെ പ്രാരംഭ ചർച്ചയിലാണ്. തന്‍റെ ചിത്രങ്ങളായ നേരം, പ്രേമം ഇവയിലേതാണ് ഹിന്ദിയിൽ ചെയ്യേണ്ടതെന്നും അദ്ദേഹം ആരാധകരോട് ചോദിച്ചിട്ടുണ്ട്. പ്രേമം ചെയ്യണമെന്നാണ് ഭൂരിപക്ഷം പേരുടെയും അഭിപ്രായം. എന്നാൽ പുതിയ ചിത്രം ചെയ്യണമെന്നായിരുന്നു നടൻ അജു വർഗീസിന്‍റെ കമന്‍റ്. അടുത്ത അൽഫോൻസ് മാജിക്കിനായി കാത്തിരിക്കുകയാണ് ആരാധകർ.