മോഹന്‍ലാല്‍ സഞ്ചരിച്ച കാറിൽ ടിപ്പറിടിച്ചു; താരം പരിക്കേൽക്കാതെ രക്ഷപ്പെട്ടു

കാലടി: നടന്‍ മോഹന്‍ലാല്‍ സഞ്ചരിച്ച കാറിൽ ടിപ്പറിടിച്ചു. താരം പരിക്കേൽക്കാതെ രക്ഷപ്പെട്ടു. ബുധനാഴ്ച രാവിലെ മലയാറ്റൂര്‍ ഇറ്റിത്തോട്ടിലാണ് സംഭവം. മോഹന്‍ലാലിൻെറ കാറില്‍ അമിതവേഗതയിൽ  വന്ന ടിപ്പര്‍ ഇടിക്കുകയായിരുന്നു. വാഹനത്തിന് കേടുപാടുകള്‍ സംഭവിച്ചെങ്കിലും ആര്‍ക്കും പരുക്കില്ല.

പുതിയ ചിത്രമായ പുലിമുരുകൻെറ ഷൂട്ടിങ് ലൊക്കേഷനിലേക്ക് പോകുന്നതിനിടെയാണ് അപകടം. അപകടത്തെ തുടർന്ന് മോഹൻലാൽ വാഹനത്തിൽ നിന്നും പുറത്തിറങ്ങിയതും ജനങ്ങൾ സംഭവസ്ഥലത്ത് ഓടിക്കൂടി. ടിപ്പര്‍ ഡ്രൈവറെ അറസ്റ്റ് ചെയ്തതായാണ് റിപ്പോര്‍ട്ട്.