അയാള്‍ ഞാനല്ലയിലെ നീലവാന്‍ മുകിലെ...

നടന്‍ വിനീത് കുമാര്‍ സംവിധാനം ചെയ്യുന്ന ഫഹദ് ഫാസില്‍ ചിത്രം 'അയാള്‍ ഞാനല്ല'യിലെ മനോഹര ഗാനം പുറത്തിറങ്ങി. അനൂപ് ശങ്കറിന്‍െറ വരികള്‍ക്ക് മനു രമേശനാണ് സംഗീതം നല്‍കിയിരിക്കുന്നത്. ജോബ് കുര്യന്‍, വിധുപ്രതാപ്,  സിതാര എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. സംവിധായകന്‍ രഞ്ജിത്താണ് ചിത്രത്തിന് കഥയൊരുക്കിയത്. വിനീത് കുമാര്‍ തന്നെയാണ് തിരക്കഥയും സംഭാഷണവും ഒരുക്കിയത്. രഞ്ജിതിന്‍്റെ സഹോദരന്‍ രഘുനാഥും കെ ജി സുരേഷും ചേര്‍ന്നാണ് നിര്‍മ്മാണം. ഷാംദത്താണ് ഛായാഗ്രഹണം. മൃദുലാമുരളിയും ദിവ്യാപിള്ളയുമാണ് നായികമാര്‍. രണ്‍ജിപണിക്കര്‍, ചെമ്പന്‍ വിനോദ്, ടി.ജി രവി, സുബീഷ് സുധി തുടങ്ങിയവരും കഥാപാത്രങ്ങളാണ്. ബംഗളൂരുവിലും അഹമ്മദാബാദിലുമായാണ് ചിത്രീകരണം.