ശൈഖ്​ സായിദി​െൻറ ജീവിതം വെള്ളിത്തിരയിലേക്ക്​; സംവിധാനം ശേഖർ കപൂർ

21:15 PM
04/06/2018
sheikh-zayed shekhar kapoor

യു.എ.ഇ രാഷ്​ട്രപിതാവ്​ ​ശൈഖ്​ സായിദ്​ ബിൻ സുൽത്താൻ അൽ നഹ്യാ​​െൻറ സംഭവബഹുലമായ ജീവിതം സിനിമയാകുന്നു. അവികസിത രാജ്യമായിരുന്ന യുണൈറ്റഡ്​ അറബ്​ എമിറേറ്റ്​സിനെ മഹത്തായ ഭരണ മികവിലൂടെ അതിസമ്പന്നതയുടെ നെറുകയിലെത്തിച്ച ശൈഖ്​ സായിദി​​െൻറ ജീവിതം തിരശീലയിലെത്തിക്കുന്നത്​ സുപ്രസിദ്ധ സംവിധായകൻ ശേഖർ കപൂറാണ്​.

നിരവധി ബ്ലോക്​ബസ്റ്റർ ചിത്രങ്ങൾ നിർമിച്ച എസ്​.ടി.എക്​സ്​ ഫിലിംസ്​ നിർമ്മിക്കുന്ന ചിത്രം ഹോളിവുഡിലാണ്​ ഒരുങ്ങുന്നത്​. ശൈഖ്​ സായിദി​​െൻറ ജന്മശതാബ്ദി വര്‍ഷത്തിലാണ്​ അദ്ദേഹത്തി​​െൻറ ജീവിതം വെള്ളിത്തിരയിലെത്തുന്നത്​.

സൂപ്പർഹിറ്റ്​ ചിത്രമായ ‘എലിസബത്ത്​ എ ഗോൾഡൻ എയ്​ജ്’ സംവിധാനം ചെയ്​ത ശേഖർ കപൂർ ഹോളിവുഡിൽ പ്രശസ്​തനായ സംവിധായകനാണ്​. ജാക്കി ചാനും പിയേർസ്​ ബ്രോസ്നനും ​പ്രധാന വേഷത്തിലെത്തിയ ‘ദി ഫോറിനർ’ എന്ന ബ്ലോക്​ബസ്റ്റർ ചിത്രത്തിന്​ ശേഷം എസ്​.ടി.എക്​സ്​ ഫിലിംസ്​ നിർമിക്കുന്ന ചിത്രമായിരിക്കും ഇത്​. ചരിത്രം തിരുത്തിയ കരുത്തുറ്റ കഥാപാത്രങ്ങളെ കുറിച്ച്​ സംസാരിച്ച​ ഗാന്ധി, സെൽമ, ഡാർക്കസ്റ്റ്​ അവർ തുടങ്ങിയ ചിത്രങ്ങൾ പോലായിരിക്കും ശൈഖ്​ സായിദിനെ കുറിച്ചുള്ള ചിത്രമെന്നും എസ്​.ടി.എക്​സ്​ ഫിലിംസ്​ അവകാശ​പ്പെട്ടു.

ഒരുകാലത്ത്​ മത്സ്യബന്ധനമായിരുന്നു എമിറാത്തികളുടെ പ്രധാന ഉപജീവന മാര്‍ഗം. അവിടെ നിന്നും ഇന്നത്തെ വികസിതരാജ്യമായി മാറിയ യു.​എ.ഇയുടെ ചരിത്രം തിരുത്തിയത്​ ശൈഖ്​ സായിദ്​ എന്ന അതിവിദ്​ഗധനായ ഭരണാധികാരിയുടെ പ്രയത്​നവും ഭരണപാടവവുമായിരുന്നു. 1966 ഓഗസ്റ്റ് ആറിനാണ് ഷെയ്ഖ് സായിദ് അബുദാബിയുടെ ഭരണാധികാരിയായി ചുമതലയേറ്റത്. 2004 നവംബർ രണ്ടിനായിരുന്നു അദ്ദേഹം അന്തരിച്ചത്​.

Loading...
COMMENTS