ഒാസ്​കർ വേദിയിൽ ശ്രീദേവിക്ക്​ പ്രണാമം 

ലോസ്​ആഞ്ചലസ്​: ദ അക്കാദമിയുടെ 90ാമത്​ ഒാസ്​കർ പുരസ്​കാര വേദിയിൽ മൺമറഞ്ഞ ബോളിവുഡ്​ താരം ശ്രീദേവിക്ക്​ പ്രണാമം. 2017ൽ ലോകസിനിമയിൽ നിന്നും വിടപറഞ്ഞ താരങ്ങളെ ​ ഒാർമിക്കുന്ന ചടങ്ങിലാണ്​ ഒാസ്​കർ വേദി ബോളിവുഡ്​ താരങ്ങളായ ശ്രീദേവിക്കും ശശികപൂറിനും ആദരാഞ്​ജലി അർപ്പിച്ചത്​. ഇന്ത്യൻ സിനിമയുടെ പ്രണയിനിയും കൂട്ടുകാരിയും മാതാവുമെല്ലാമായ ശ്രീദേവിക്ക്​ പ്രണാമമെന്ന്​ പുരസ്​കാര വേദിയിലെ സ്​ക്രീനിൽ തെളിഞ്ഞു. 

ജെയിംസ്​ ബോണ്ട്​ ചിത്രങ്ങളിലൂടെ ​തിളങ്ങിയ റോജർ മൂർ, പ്രശസ്​ത നടൻ ജൊനാഥൻ ഡെമി, ജോർജ്​ റോമിറോ, ഹാരി ഡീൻ സ്​റ്റാൻറൻ, ജെറി ലൂയിസ്​, ജെന്നി മോറോ, മാർട്ടിൻ ലാ​ഡോ എന്നിവർക്കും അക്കാദമി പുരസ്​കാര വേദി പ്രണാമമർപ്പിച്ചു.