ട്യൂബ്​ലൈറ്റ്'​ ടീസർ പുറത്തിറങ്ങി

 ആകാംഷകൾക്ക്​ വിരാമമിട്ട്​ സൽമാൻ ഖാൻ ചിത്രം ട്യൂബ്​ലൈറ്റി​​​െൻറ ടീസർ പുറത്തിറങ്ങി. മറ്റൊരു ബ്ലോക്ക്​ബസ്​റ്റർ സൽമാൻ–കബീർ ഖാൻ കൂട്ടുകെട്ടിൽ പിറക്കുന്നതി​​​െൻറ സൂചനകളാണ്​ ടീസറിൽ നിന്ന്​ ലഭിക്കുന്നത്​. ബംജ്റംഗി ബായിജാനായിരുന്നു ഇതിന്​ മുമ്പ്​ സൽമാനും കബീർ ഖാനും ഒരുമിച്ച ചലച്ചിത്രം.

1962ലെ ഇന്ത്യ–ചൈന യുദ്ധത്തി​​​െൻറ പശ്​ചാത്തലത്തിലാണ്​ ട്യൂബ്​ലൈറ്റ്​ കഥ പറയുന്നത്​. അതിർത്തികൾ ഭേദിക്കുന്ന പ്രണയമാണ്​ ട്യൂബ്​ലൈറ്റി​​​െൻറയും ഇതിവൃത്തം. നിഷ്​കളങ്കനായ നായകനെയാണ്​ ടീസറിൽ കാണാൻ സാധിക്കുന്നത്​. 

സൽമാനൊപ്പം ചൈനീസ്​ നായിക സു സു, അന്തരിച്ച നടൻ ഒാംപുരി എന്നിവരും സിനിമയിൽ അഭിനയിക്കുന്നുണ്ട്​. സൽമാൻ തന്നെയാണ്​ സിനിമയുടെ നിർമാതാവ്​​.