‘ഉറി; ദി സർജിക്കൽ സ്ട്രൈക്ക്​’; കോൺഗ്രസിനെതിരെ​ പരേഷ്​ റാവൽ

11:39 AM
08/01/2019
uri;-the-surgical-strike

മുംബൈ: യു.പി.എ സർക്കാർ തള്ളിയ ആശയമാണ്​ മിന്നലാക്രമണമെന്ന്​ നടനും ബി.ജെ.പി എം.പിയുമായ പരേഷ്​ റാവൽ. മുംബൈ ഭീകരാക്രമണത്തെ തുടർന്ന്​ മിന്നലാക്രമണം നടത്താമെന്ന ആശയം സൈന്യം മുന്നോട്ടു വെച്ചിരുന്നു. എന്നാൽ അത്​ കോൺഗ്രസ്​ സർക്കാർ തള്ളുകയായിരുന്നുവെന്ന്​ അദ്ദേഹം പറഞ്ഞു. 

ത​​​െൻറ പുറത്തിറങ്ങാനിരിക്കുന്ന ‘ഉറി; ദി സർജിക്കൽ സ്ട്രൈക്ക്​’ എന്ന ചിത്രത്തി​​​െൻറ പശ്ചാത്തലം വിവരിക്കവെയാണ്​ പരേഷ്​ റാവൽ കോൺഗ്രസിനെ കടന്നാക്രമിച്ചത്​. സൈന്യത്തോടൊപ്പം നിൽക്കുകയും അവരെ പിന്തുണക്കുകയും ചെയ്യുന്നതിനു പകരം സർക്കാർ അവരുടെ നിർദേശത്തെ തള്ളിക്കളയുകയായിരുന്നു. ജനങ്ങൾ ഇന്ത്യൻ ​സേനയുടെ ശക്തിയിൽ സംശയിച്ചു തുടങ്ങിയിരുന്നു. സർക്കാർ മിന്നലാക്രമണത്തിന്​ സമ്മതിക്കാതിരുന്നത്​ വോട്ടുബാങ്കിനെ ഭയന്നാണോ എന്നും അദ്ദേഹം ചോദിച്ചു.

മിന്നലാക്രമണത്തിന്​​ പച്ചക്കൊടി വീശിയതിലൂടെ ഇന്ത്യൻ സേനയുടെ കരുത്തിൽ ജനങ്ങൾക്കുണ്ടായ സംശയത്തി​ന്​ ഉത്തരം നൽകുകയാണ്​ നരേന്ദ്രമോദി ചെയ്​തതെന്നും പരേഷ്​ റാവൽ പറഞ്ഞു. പാക്​ സൈന്യത്തി​​​െൻറ അക്രമണോത്സുക സ്വഭാവത്തിന്​ മറുപടി കൊടുക്കാൻ മിന്നലാക്രമണം​ അനിവാര്യമായിരുന്നുവെന്നും പാകിസ്​താന്​ മറുപടി നൽകേണ്ടത്​ എങ്ങനെയെന്ന്​ നമുക്കറിയാമെന്ന്​ അവർക്ക്​​ അറിയിച്ചു കൊടുക്കേണ്ടതുണ്ടെന്നും അദ്ദേഹം അഭിപ്രായപ്പെട്ടു. 

2016 സെപ്​തംബറിൽ ജമ്മു കശ്​മീരി​െല ഉറി മേഖലയിൽ പാക് സൈന്യം നടത്തിയ ആക്രമണത്തിന്​ മറുപടിയായി പാക്​ അധീന കശ്​മീരിൽ ഇന്ത്യൻ സേന നടത്തിയ മിന്നലാക്രമണത്തി​​െൻറ കഥ പറയുന്ന ഉറി; ദി സർജിക്കൽ സ്​ട്രൈക്ക്​ എന്ന ചിത്രം ​വെള്ളിയാഴ​്​ച തിയേറ്ററുകളിലെത്തും. ആദിത്യ ധർ ആണ്​ ചിത്രത്തി​​​െൻറ സംവിധാനം നിർവഹിച്ചിരിക്കുന്നത്​. റോണി സ്​ക്ര്യുവാലയാണ്​ ചിത്രത്തി​​​െൻറ നിർമാണം.

Loading...
COMMENTS