സെറ്റിൽ നിന്നും ഇറങ്ങിപ്പോകാൻ ശ്രമിച്ച തനുശ്രീയെ ആക്രമിക്കുന്ന ദൃശ്യങ്ങൾ പുറത്ത്​ VIDEO

മുംബൈ: പ്രശസ്​ത ബോളിവുഡ്​ നടൻ നാനാ പടേക്കർക്കെതിരെ പീഡനമാരോപിച്ച നടി തനുശ്രീ ദത്തയുടെ വാദങ്ങളെ ശരിവെക്കും വിധം പുതിയ ദൃശ്യങ്ങൾ പുറത്ത്​. നാനയുമൊത്തുള്ള ഗാന ചിത്രീകരണത്തിൽ നിന്ന്​ പിന്മാറി തിരിച്ചുപോകാനൊരുങ്ങിയ തനുശ്രീയെ ഗുണ്ടകൾ ആക്രമിക്കുന്ന ദൃശ്യങ്ങളാണ്​ പുറത്തുവന്നിരിക്കുന്നത്​.

2009ലായിരുന്നു വിവാദത്തിന്​ വഴിതെളിച്ച സംഭവങ്ങൾ അരങ്ങേറിയത്​​. ആ വർഷം പുറത്തിറങ്ങിയ ‘ഹോൺ ഒാകെ പ്ലീസ്’​ എന്ന ചിത്രത്തി​​​​​​െൻറ സെറ്റിൽ വെച്ച്​ നായക നടനായിരുന്ന നാനാ പ​ടേക്കർ തന്നെ അപമാനിച്ചുവെന്ന്​​ സൂം ടിവി ചാനലിനു ​നൽകിയ അഭിമുഖത്തിൽ തനുശ്രീ വെളിപ്പെടുത്തിയിരുന്നു.

ഇത്​ സംവിധായകനോട്​ പരാതിപ്പെട്ടപ്പോൾ തന്നെയും മാതാപിതാക്കളെയും ഗുണ്ടകളെ ഏർപ്പാടാക്കി മർദ്ദിക്കാൻ ശ്രമിച്ചുവെന്നും അവർ പറഞ്ഞിരുന്നു. കാറിലിരിക്കുകയായിരുന്ന തനുശ്രീയെ സംഘം ചേർന്ന്​ ഗുണ്ടകൾ ആക്രമിക്കാൻ ശ്രമിക്കുന്ന വീഡിയോ ഇപ്പോൾ വൈറലായിരിക്കുകയാണ്​​. ദൃശ്യങ്ങൾ പുറത്തുവന്നതോടെ തനുശ്രീയെ പിന്തുണച്ച്​ കൂടുതൽ പേർ രംഗത്തുവന്നു.

സെറ്റിൽ നിന്നും ഇറങ്ങി പോകുന്ന തനുശ്രീയുടെ ദൃശ്യങ്ങൾ വീഡിയോയിൽ കാണാം. കാറിനകത്ത്​ കയറി ഇരിക്കുകയായിരുന്ന തനുശ്രീയെയും കുടുംബത്തി​െനയും പോകാൻ സമ്മതിക്കാതെ കാറി​​​​െൻറ ഗ്ലാസ്​ തകർക്കാൻ ശ്രമിക്കുകയും കാറിന്​ മുകളിൽ കയറി ചവിട്ടുകയും ചെയ്യുന്ന ദൃശ്യങ്ങളാണ്​ പുറത്തുവന്നിരിക്കുന്നത്​​. ടയറി​​െൻറ കാറ്റഴിച്ചുവടുന്നതായും കാണാം.

തനുശ്രീക്ക്​ സംഭവിച്ചതിന്​ സാക്ഷിയാണെന്ന്​ കാട്ടി ജാനിസ്​ സെക്വയ്​റ എന്ന മാധ്യമ പ്രവർത്തക രംഗത്തുവന്നിരുന്നു. മുൻ ആജ്​ തക്​ റി​പ്പോർട്ടറായ അവർ സീരീസായി ഇട്ട ട്വീറ്റുകളാണ്​ തനുശ്രീയുടെ സംഭവത്തിൽ വഴിത്തിരിവായത്​. തനുശ്രീക്ക്​ സംഭവിച്ചതെല്ലാം സത്യമാണെന്നും താനതിന്​ ദൃസാക്ഷിയായിരുന്നുവെന്നും നാനാപടേക്കർ കുറ്റക്കാരനാണെന്നും അവർ പറഞ്ഞിരുന്നു. അതേസമയം തനുശ്രീയെ പിന്തുണച്ച്​ ബോളിവുഡിൽ നിന്നും പ്രിയങ്ക ചോപ്രയടക്കമുള്ള മുൻനിര നടിമാരും രംഗത്തെത്തി.