പി.എം നരേന്ദ്രമോദി’ സിനിമക്ക് പ്രദാർശനാനുമതിയില്ല
text_fieldsന്യൂഡൽഹി: പ്രധാനമന്ത്രി നരേന്ദ്രമോദിയുടെ ജീവചരിത്രം ചിത്രീകരിച്ച ’പി.എം നരേന്ദ്രമോദി’ എന്ന സിനിമ തെരഞ്ഞെ ടുപ്പ് കഴിയുന്നതുവരെ റീലീസ് ചെയ്യരുതെന്ന് സുപ്രീംകോടതി. സിനിമയുടെ റിലീസ് വിലക്കിയ തെരഞ്ഞെടുപ്പ് കമീഷെൻറ ഉത്തരവിൽ ഇടപെടാനാകില്ലെന്നും കോടതി വ്യക്തമാക്കി.
തെരഞ്ഞെടുപ്പിന് മുന്നോടിയായി സിനിമ റിലീസ് ചെയ്യുന്നത് വിലക്കിയ കമീഷൻ നടപടി റദ്ദാക്കണമെന്നാവശ്യപ്പെട്ട് സിനിമയുടെ നിർമാതാക്കൾ നൽകിയ ഹരജിയിലാണ് സുപ്രീംകോടതി ഉത്തരവ്. ചീഫ് ജസ്റ്റിസ് അധ്യക്ഷനായ ബെഞ്ചാണ് നിർമാതാക്കളുടെ ഹരജി പരിഗണിച്ചത്.
ചിത്രം തെരഞ്ഞെടുപ്പ് കമീഷൻ കാണണമെന്നും സിനിമയുടെ റിലീസ് തടയണോ വേണ്ടയോ എന്ന വിഷയത്തിൽ തീരുമാനം സിനിമ കണ്ടതിന് ശേഷം മതിയെന്നും കോടതി നേരത്തെ നിർദേശിച്ചിരുന്നു. എന്നാൽ ചിത്രം റിലീസ് ചെയ്യുന്നത് തെരഞ്ഞെടുപ്പ് പെരുമാറ്റച്ചട്ട ലംഘനമാണെന്ന വാദത്തിൽ തെരഞ്ഞെടുപ്പ് കമീഷൻ ഉറച്ചു നിന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.