നിന്നെ പോലുള്ളവരുടെ ഉപദ്രവം ഭയന്നാണ്​ പൊതുഗതാഗതം ഉപയോഗിക്കാത്തത്​ -പൊട്ടിത്തെറിച്ച്​ സോനം

സമൂഹ മാധ്യമങ്ങളിൽ വളരെ സജീവമായ ബോളിവുഡ്​ താരങ്ങളിൽ ഒരാളാണ് നടി​ സോനം കപൂർ. എന്നാൽ താരം മൈക്രോ ബ്ലോഗിങ്​ സൈറ്റായ ട്വിറ്ററിൽ നിന്നും തൽകാലികമായി വിടപറഞ്ഞിരിക്കുകയാണ്​. ട്വിറ്റർ ഇൗയിടെയായി വളരെ നെഗറ്റീവ്​ ആണെന്നാണ്​ പിന്മാറ്റത്തിനുള്ള കാരണമായി താരം ചൂണ്ടിക്കാട്ടുന്നത്​.

എന്നാൽ സോനത്തി​​​െൻറ പിന്മാറ്റത്തിന്​ പിന്നിൽ അവർക്ക്​ നേരെയുണ്ടായ ട്രോൾ മഴയാണ്​ എന്നാണ്​ സമൂഹ മാധ്യമങ്ങളിലെ സംസാരം. മുംബൈയിലെ മലിനീകരണത്തെ കുറിച്ച്​ സോനം ഇൻസ്റ്റഗ്രാമിലിട്ട സ്റ്റാറ്റസാണ്​ താരത്തിന്​ നേരെ ട്രോളാക്രമണമുണ്ടാക്കിയത്​.

I’m going off twitter for a while. It’s just too negative. Peace and love to all !

— Sonam K Ahuja (@sonamakapoor) October 6, 2018

‘നഗരത്തിലെത്താൻ ഏകദേശം രണ്ട്​ മണിക്കൂറെടുത്തു. ഞാൻ ഇപ്പോഴും എ​​​െൻറ ലക്ഷ്യസ്ഥാനത്ത്​ എത്തിയിട്ടില്ല. റോഡുകൾ വളരെ മോശമാണ്​. വെറുപ്പുളവാക്കുന്ന മലിനീകരണം കാരണം വീട്ടിൽ നിന്നും പുറത്തിറങ്ങുക എന്നത്​ ദുഃസ്വപ്​നമായി മാറിയിരിക്കുകയാണ്’ -മുംബൈ നഗരത്തിനെതിരായ താരത്തി​​​െൻറ ഇൻസ്റ്റഗ്രാം പോസ്റ്റ്​ ഇങ്ങനെയായിരുന്നു.

ഇത്​ സ്​ക്രീൻഷോ​െട്ടടുത്ത്​ ഒരാൾ സോനത്തിന്​ മറുപടിയുമായി ട്വിറ്ററിലെത്തി. ‘‘നിങ്ങളെ പോലെ പൊതു ഗതാഗത സംവിധാനങ്ങൾ ഉപയോഗിക്കാത്തവരും ഇന്ധനക്ഷമത കുറഞ്ഞ ആഢംബര വണ്ടികൾ ഉപയോഗിക്കുന്നവരുമാണ്​ മുംബൈയിലെ മലിനീകരണത്തിന്​ കാരണം. നിങ്ങളെ പോലുള്ളവർ ഉപയോഗിക്കുന്ന കാറുകൾക്ക്​ മൂന്നോ നാലോ കിലോമീറ്റർ മാത്രമാണ്​ മൈ​േലജ്. നിങ്ങളുടെ വീടുകളിൽ ഉപയോഗിക്കുന്ന എ.സികളും ​ആഗോളതാപനത്തിൽ മുഖ്യ പങ്ക്​ വഹിക്കുന്നുണ്ട്​’’ - ആനന്ദ്​ വസു എന്നയാൾ ഇട്ട ട്വീറ്റ്​ വൈറലാവുകയും വൈകാതെ സോനം തന്നെ അതിന്​ മറുപടിയുമായി എത്തുകയും ചെയ്​തു.

@sonamakapoor its because of people like you,who don't use public transport or less fuel consumption vehicles.
You Know that your luxury car gives 3 or 4 km per litre mileage and 10 /20 AC's in your house are equally responsible for global warming.
First control your pollution. pic.twitter.com/CrlGmKxv0b

— anant vasu(AV):&less (@anantvasu) October 4, 2018

നിന്നെ പോലുള്ള ആണുങ്ങൾ ഉപദ്രവിക്കുമെന്ന ഭയം കാരണമാണ്​ സ്​ത്രീകൾ പൊതുഗതാഗതം ഉപയോഗ​പ്പെടുത്താൻ മടിക്കുന്നത്​ എന്നായിരുന്നു സോനത്തി​​​െൻറ മറുപടി. സോനത്തി​​​െൻറ ഇത്തരത്തിലുള്ള മറുപടിയും വൻ ചർച്ചക്കാണ്​ വഴിവെച്ചത്​.

And it’s because of men like you that women find it difficult to use public transport for fear of being harassed

— Sonam K Ahuja (@sonamakapoor) October 4, 2018

മുമ്പും ഒാൺലൈൻ ട്രോൾ ആക്രമണത്തിനിരയായ സോനം വിദ്വേഷത്തോടെ പെരുമാറാതിരിക്കാനും സെലിബ്രിറ്റികളെ വ്യക്​തിപരമായി അധിക്ഷേപിക്കുന്നതിൽ നിന്നും വിട്ടു നിൽക്കാനും ത​​​െൻറ ആരാധകരോട്​ ആവശ്യപ്പെട്ടിരുന്നു. എന്തായാലും സോനത്തി​​​െൻറ ട്വിറ്ററിൽ നിന്നുമുള്ള പിന്മാറ്റം സമൂഹ മാധ്യമങ്ങളിൽ ചർച്ചയായിരിക്കുകയാണ്​.