ഷാരൂഖ്​ ഖാൻ ചിത്രം ഡിയർ സിന്ദഗി കോപ്പിയടിയോ​?

മുംബൈ: കഴിഞ്ഞയാഴ്​ച പുറത്തിറങ്ങിയ ഷാരുഖ്​ ഖാൻ ചിത്രം ഡിയർ സിന്ദഗി കോപ്പിയടിച്ചതാണെന്ന്​ ആരോപണം. കനേഡിയൻ ടി.വി ​ഷോയുടെ കോപ്പിയടിയാണ്​  ചിത്രമെന്നാണ് ആരോപണം.  കനേഡിയൻ ടി.വി ഷോ ബിയിങ്​ എറികയുടെ നിർമ്മാതാക്കൾ ധർമ്മ പ്രൊഡക്ഷൻസിന്​ ഇത്​ സംബന്ധിച്ച അറിയിപ്പ്​ നൽകിയതായും വാർത്തകൾ പുറത്ത്​ വരുന്നുണ്ട്​​.

എന്നാൽ സിനിമയുടെ സംവിധായക ഗൗരി ഷിൻഡേ ആരോപണം നിഷേധിച്ചു. ത​​െൻറ തിരക്കഥ ഒറിജിനലാണെന്നും കനേഡിയൻ ടി.വി ഷോ കണ്ടിട്ടി​െലന്നും ഷിൻഡേ പറഞ്ഞു. നവംബർ 25നാണ്​ ഷാരുഖ്​ ഖാനും അലിയ ഭട്ടും പ്രമുഖ റോളുകളിൽ അഭിനയിച്ച ഡിയർ സിന്ദഗി പുറത്തിറങ്ങിയത്​. ഷാരൂഖ്​ ചി​ത്രത്തിൽ  മനശാസ്​ത്രജ്ഞനായാണ്​ വേഷമിട്ടിരിക്കുന്നത്​.
 
ഡിയർ സിന്ദഗി പൂർണ്ണമായും ത​െൻറ വ്യക്​തിപരമായ സിനിമയാ​െണന്നും​ ടെലിവിഷൻ ഷോയിൽ ഇൗ  സിനിമയിലുള്ള കഥാപാത്രങ്ങൾക്ക്​ സമാനമായ കഥപാത്രങ്ങൾ ഉണ്ടായിരുന്നു എന്നതി​െൻറ പേരിൽ സിനിമ കോപ്പിയടിയാകില്ലെന്നും ഷിൻഡേ പ്രസ്​താവനയിൽ പറഞ്ഞു.ഇത്തരം അനാവ​ശ്യമായ ആരോപണങ്ങൾ മൂലം താൻ ദുഖിതയാണെന്നും ഷിൻഡേ കൂട്ടിച്ചേർത്തു.  

കരൺ ജോഹറി​െൻറ ഉടമസ്​ഥതയിലുള്ള സിനിമ നിർമ്മാണ കമ്പനിയാണ്​ ധർമ്മ പ്രാഡക്ഷൻസ്​. ഹോളിവുഡിലടക്കം ഇവർ സിനിമകൾ നിർമ്മിച്ചിട്ടുണ്ട്​. സംഭവത്തി​െൻറ പേരിൽ വക്കീൽ നോട്ടീസുകളൊന്നും തങ്ങൾക്ക്​ ലഭിച്ചിട്ടിലെന്നും ധർമ്മ പ്രൊഡക്ഷൻസ്​ സി.ഇ.ഒ അപൂർവ മേത്ത പറഞ്ഞു.