നാലുനില ഓഫിസ് കെട്ടിടത്തിൽ ക്വാറൈൻറൻ സൗകര്യമൊരുക്കി ഷാരൂഖും ഭാര്യയും
text_fieldsന്യൂഡൽഹി: നാലുനിലക്കെട്ടിടം ക്വാറൈൻറൻ സൗകര്യത്തിനായി വിട്ടുകൊടുത്ത് ബോളിവുഡ് നടൻ ഷാരൂഖ് ഖാനും ഭാര്യ ഗൗരിയും. ഇരുവരുടെയും പേഴ്സനൽ ഓഫിസാണ് ക്വാറൈൻറനിൽ ജനങ്ങളെ താമസിപ്പിക്കാനായി വിട്ടുനൽകിയത്.
കുട്ടികൾക്കും സ്ത്രീകൾക്കും വയോധികർക്കും താമസിക്കാൻ കഴിയുന്ന രീതിയിലാണ് ഇവിടെ സൗകര്യങ്ങൾ ഒരുക്കിയിരിക്കുന്നത്. ഷാരൂഖിനും ഭാര്യക്കും നന്ദി അറിയിച്ച് ബ്രിഹാൻമുംബൈ മുനിസിപ്പൽ കോർപറേഷൻ ട്വീറ്റ് ചെയ്തു. ഷാരൂഖ് ഖാൻെറ റെഡ് ചീല്ലീസ് എൻറർടെയിൻമെൻറ് കോർപറേഷൻെറ ട്വീറ്റ് റീട്വീറ്റ് ചെയ്യുകയും െചയ്തു. നിമിഷങ്ങൾക്കകം SRKOfficeForQuarantine ഹാഷ്ടാഗ് ട്വിറ്ററിൽ ട്രെൻഡിങ്ങിലായി.
കോവിഡ് ബാധ രാജ്യത്ത് പടർന്നുപിടിച്ചപ്പോൾ തന്നെ കേന്ദ്രസർക്കാരിൻെറയും മഹാരാഷ്ട്ര സർക്കാരിൻെറയും വിവിധ ദുരിതാശ്വാസ നിധികളിലേക്ക് ഷാരൂഖ് ഖാൻ സംഭാവന നൽകിയിരുന്നു. കൂടാതെ മഹാരാഷ്ട്ര, പശ്ചിമബംഗാൾ സർക്കാരുകൾക്ക് 50,000 പി.പി.ഇ കിറ്റുകൾ സംഭാവന ചെയ്യുകയും ചെയ്തിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.