ഷാരൂഖ് ഖാെൻറ പേഷവാറിലെ ബന്ധു നൂർജഹാൻ നിര്യാതയായി
text_fieldsപേഷവാർ: ബോളിവുഡ് സൂപർ താരം ഷാരൂഖ് ഖാെൻറ പേഷവാറിലെ ബന്ധു നൂർജഹാൻ (52) നിര്യാതയായി.
വദനാർബുദം ബാധിച്ച് ദീ ർഘനാൾ ചികിത്സയിലായിരുന്നു നൂർജഹാനെന്ന് ഭർത്താവ് ആസിഫ് ബുർഹാൻ അറിയിച്ചു. സഹോദരന്മാരുടെ മക്കളാണ് ഷാരൂഖ് ഖാനും നൂർജഹാനും. പേഷവാറിലെ ഖിസ്സ ഖ്വാനി ബസാറിനടുത്തുള്ള ഷാ വാലി ഖതാൽ മൊഹല്ലയിൽ താമസിക്കുന്ന നൂർജഹാൻ രാഷ്ട്രീയത്തിൽ സജീവമായിരുന്നു. ജില്ലാ കൗൺസിലറായും നഗര കൗൺസിലറായും സേവനമനുഷ്ഠിച്ചിട്ടുണ്ട്.
2018ലെ പൊതുതെരഞ്ഞെടുപ്പിൽ പത്രിക നൽകിയെങ്കിലും രോഗബാധ മൂലം അവസാന നിമിഷം പിൻവലിച്ചു. ഷാരൂഖും നൂർജഹാനും തമ്മിൽ ടെലിഫോണിൽ ഇടക്കിടെ സംസാരിക്കുമായിരുന്നെന്ന് ആസിഫ് ബുർഹാൻ പറഞ്ഞു. 1997ലും 2011ലും ഷാരൂഖിനെ കാണാൻ അവർ ഇന്ത്യയിൽ എത്തിയിട്ടുണ്ട്. ചെറുപ്പകാലത്ത് മാതാപിതാക്കൾക്കൊപ്പം ഷാരൂഖും പേഷവാറിൽ ബന്ധുക്കളെ സന്ദർശിക്കാൻ പോയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.