Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_rightപാക് കലാകാരന്മാരെ...

പാക് കലാകാരന്മാരെ പിന്തുണച്ചാല്‍ സല്‍മാന്‍െറ സിനിമകളും നിരോധിക്കുമെന്ന് രാജ് താക്കറെ

text_fields
bookmark_border
പാക് കലാകാരന്മാരെ പിന്തുണച്ചാല്‍ സല്‍മാന്‍െറ സിനിമകളും നിരോധിക്കുമെന്ന് രാജ് താക്കറെ
cancel

മുംബൈ: പാക് കലാകാരന്മാരെ അനുകൂലിച്ച് പ്രതികരിച്ച നടന്‍ സല്‍മാന്‍ ഖാന് താക്കീതുമായി എം.എന്‍.എസ് തലവന്‍ രാജ് താക്കറെ. പാക് നടന്മാരെ നിരോധിക്കുന്നതില്‍ പ്രശ്നമുണ്ടെങ്കില്‍ സല്‍മാന്‍ ഖാന്‍െറ സിനിമകളും നിരോധിക്കുമെന്ന മുന്നറിയിപ്പാണ് ശനിയാഴ്ച വാര്‍ത്താസമ്മേളനത്തിനിടെ രാജ് താക്കറെ നല്‍കിയത്.

രാജ്യത്ത് കഴിവുള്ളവരില്ളേ എന്നു ചോദിച്ച രാജ് എന്തിനാണ് പാക് നടന്മാരെ സ്വീകരിക്കുന്നതെന്നത് മനസ്സിലാകുന്നില്ളെന്ന് പറഞ്ഞു. സൈനികര്‍ തോക്കു താഴെയിട്ടാല്‍ സല്‍മാന്‍ അതിര്‍ത്തി കാക്കുമോ എന്നും രാജ് ചോദിച്ചു. പാക് കലാകാരന്മാര്‍ക്കായി സംസാരിക്കുന്ന നടന്മാരും മറ്റും ആദ്യം രാജ്യത്തെ മനസ്സിലാക്കണം -രാജ് പറഞ്ഞു. പാക് കലാകാരന്മാരെയാണ് സല്‍മാന്‍ ഖാന്‍ സ്നേഹിക്കുന്നതെങ്കില്‍ പാകിസ്താനിലേക്ക് പോകണമെന്ന് കഴിഞ്ഞ ദിവസം ശിവസേന പ്രതികരിച്ചിരുന്നു.

ഉറി ഭീകരാക്രമണത്തെ തുടര്‍ന്ന് ബോളിവുഡിലെ പാക് കലാകാരന്മാര്‍ ഇന്ത്യ വിടണമെന്ന് ആവശ്യപ്പെട്ട് രാജ് താക്കറെയുടെ എം.എന്‍.എസ് രംഗത്തുവരുകയും നിര്‍മാതാക്കളുടെ സംഘടന പാക് കലാകാരന്മാരെ നിരോധിക്കുകയും ചെയ്ത പശ്ചാത്തലത്തിലാണ് സല്‍മാന്‍ ഖാന്‍ പാക് കലാകാരന്മാര്‍ക്ക് അനുകൂലമായി പ്രതികരിച്ചത്. അവര്‍ ഭീകരരല്ളെന്നും കലാകാരന്മാരാണെന്നും അവര്‍ക്ക് ഇന്ത്യയില്‍ ജോലിചെയ്യാനുള്ള അനുമതിയും വിസയും സര്‍ക്കാറാണ് നല്‍കിയതെന്നുമായിരുന്നു സല്‍മാന്‍െറ പ്രതികരണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:salman khanraj thackeray
News Summary - Raj Thackeray slams Salman Khan - will ban Salman's films
Next Story