സ്​ത്രീകൾ പ്രശസ്​തിക്കായി ലൈംഗികതയെ ഉപയോഗിക്കുന്നു- പൂജാഭട്ട്​

ന്യൂഡൽഹി: ബോളിവുഡിൽ താരങ്ങൾക്കും ചലച്ചിത്ര പ്രവർത്തകർക്കുമെതിരെയുള്ള ലൈംഗികാതിക്രമ പരാതികൾ പുറത്തുവന്നു കൊണ്ടിരിക്കെ പുരുഷരെല്ലാം മോശക്കാരല്ലെന്നും സ്​ത്രീകൾ പ്രശസ്​തിക്കും അധികാരത്തിനുമായി ലൈംഗികതയെ ഉപയോഗപ്പെടുത്തുകയാണെന്നും അഭിപ്രായപ്പെട്ട്​ നടി പൂജാ ഭട്ട്​.

‘‘ഒരാൾ പുരുഷനായതു കൊണ്ട്​ ഇൗ ലോകത്തെ എല്ലാ പുരുഷൻമാരും ലൈംഗിക അതിക്രമികൾ എന്നു പറയാൻ കഴിയില്ല. ഇൗ ലോകത്തെ എല്ലാ സ്​ത്രീകളും ഇരകളാകണമെന്നും നിർബന്ധമില്ല. ചില സമയങ്ങളിൽ സ്​ത്രീയും അപരാധിയാകാം. ഒരേ ബ്രഷ് കൊണ്ട്​ എല്ലാവരെയും പെയിൻറ് ചെയ്യുന്ന രീതി പക്ഷപാതപരമാണ്​’’- പൂജാഭട്ട്​ പറഞ്ഞു.

സഹപ്രവർത്തകരായ സ്​ത്രീകൾക്കെതിരായ ലൈംഗിക ചൂഷണം ബോളിവുഡിൽ മാത്രമുള്ളതല്ല. മാധ്യമ, രാഷ്​ട്രീയ രംഗത്തും വിദ്യാഭ്യാസ രംഗത്തും ഇത്തരത്തിലുള്ള ചൂഷണങ്ങൾ നടക്കുന്നുണ്ട്​ എന്നതാണ്​ യാഥാർഥ്യം. ലൈംഗിക ചുഷണങ്ങൾ നടക്കുന്നത്​ അധികാരം കൈമാറ്റം ചെയ്യപ്പെടുന്ന സാഹചര്യങ്ങളിലാണ്​. ചില സാഹചര്യങ്ങളിൽ അധികാരത്തിനു വേണ്ടി സ്​ത്രീകൾ അവരുടെ ലൈംഗികതയെ ഉപയോഗപ്പെടുത്താറുണ്ട്​. അധികാരത്തിലിരിക്കുന്ന ഒരാളെ വിവാഹം കഴിക്കുന്നതും ലൈംഗിക താൽപര്യങ്ങളെ കൂടുതൽ പ്രശ​സ്​തിക്കായി ഉപയോഗിക്കുന്നതും തമ്മിൽ യാതൊരു വ്യത്യാസവുമില്ലെന്നും പൂജാ ഭട്ട്​ അഭിപ്രായപ്പെട്ടു.

ചില കേസുകളിൽ നിരപരാധികളായ പുരുഷൻമാരെ മാധ്യമങ്ങളും കോടതിയുമെല്ലാം വിചാരണ ചെയ്​ത്​ സമൂഹത്തിൽ അദ്ദേഹത്തി​​​​​െൻറ പദവിയും കുടുംബ ജീവിതവുമെല്ലാം നശിപ്പിക്കുന്ന സാഹചര്യങ്ങൾ ഉണ്ടാകാറുണ്ടെന്നും പൂജാ ഭട്ട്​ പറഞ്ഞു.

മീ ടു കാമ്പയിനിൽ നടി ​തനുശ്രീ ദത്ത നടൻ​ നാനാ പടേക്കറിനെതിരെ ലൈംഗികാരോപണം ഉന്നയിച്ചതോടെ കൂടുതൽ നടികൾ തുറന്നു പറച്ചിലുമായി രംഗത്തെത്തിയിരുന്നു.