മീ ടൂ: നിർമാതാവ് ഗൗരംഗ്​​ ദോഷി​ ശാരീരികമായി ഉപദ്രവിച്ചെന്ന് നടി​ ഫ്ലോറ സൈനി

ന്യൂഡൽഹി: മീ ടൂ ക്യാമ്പയിെ​ൻറ ഭാഗമായി തങ്ങൾക്കു നേരെ നടന്ന അതിക്രമങ്ങൾ സ്​ത്രീകൾ തുറന്നു പറയുന്നത്​ തുടരുന്നു. ചലച്ചിത്ര നിർമാതാവ്​ ഗൗരംഗ്​​​ ദോഷി തന്നെ ശാരീരികമായി ഉപദ്രവിച്ചെന്ന വെളിപ്പെടുത്തലുമായി നടി ​ഫ്ലോറ സൈനി രംഗത്തെത്തി. 2007ൽ നടന്ന സംഭവമാണ്​ ഫ്ലോറ സൈനി ഇപ്പോൾ വെളി​പ്പെടുത്തിയിരിക്കുന്നത്​.

താനുമായി പ്രണയ ബന്ധത്തിലായിരുന്ന നിർമാതാവ്​ ഗൗരംഗ്​​​ ദോഷി 2007ലെ വാല​ൈൻറൻസ്​ ഡേയിൽ തന്നെ മർദിക്കുകയും താടിയെല്ല്​ അടിച്ച്​ പരിക്കേൽപിക്കുകയും ചെയ്​തതായാണ്​ ഫ്ലോറ വെളിപ്പെടുത്തിയത്​. വളരെ ശക്തനായിരുന്നു അയാൾ. സിനിമാ മേഖലയിൽ തുടക്കക്കാരായ തങ്ങളെ പോലുള്ള പെൺകുട്ടികൾ പറയുന്നത്​ ആരും വിശ്വസിക്കില്ലെന്നും താൻ സിനിമാ മേഖലയിൽ നില നിൽക്കില്ലെന്ന്​ ഉറപ്പു വരുത്താൻ അയാൾക്കു സാധിക്കുമെന്നും​ പറഞ്ഞ്​ ദോഷി തന്നെ ഭീഷണിപ്പെടുത്തി.

അക്കാര്യം തന്നെ വിശ്വസിപ്പിക്കാനായി കഴിയാവുന്നതെല്ലാം ​െചയ്​തു. സിനിമകളിൽ നിന്ന്​ താൻ മാറ്റി നിർത്തപ്പെട്ടു. എന്നെ കാണാനോ ഒാഡിഷന്​ പ​െങ്കടുപ്പിക്കാനോ ആരും തയാറായി​ല്ലെന്നും ഫ്ലോറ സൈനി ഫേസ്​ബുക്ക്​ പോസ്​റ്റിലൂടെ വെളിപ്പെടുത്തി. തനിക്കു ശേഷവും പല പെൺകുട്ടികൾക്കും ദോഷിയിൽ നിന്ന്​​ സമാനമായ അനുഭവം ഉണ്ടായതായും അവർ സഹായത്തിനായി വിളിച്ചെങ്കിലും പുറത്തു വരാനും അവർക്കു വേണ്ടി സംസാരിക്കാനും തനിക്ക്​ ധൈര്യമില്ലായിരു​ന്നുവെന്നും ഫ്ലോറ ​ൈസനി വ്യക്തമാക്കി.

തന്നോട്​ മോശമായി പ്രവർത്തിച്ചത്​ എത്രത്തോളം അറിയപ്പെടുന്നവരോ എത്രത്തോളം ശക്തരോ എന്ന്​ നോക്കാതെ അവർക്കെതി​െര നിലപാടെടുത്തവർക്ക്​ ത​​​െൻറ കുറിപ്പ്​ സമർപ്പിക്കുന്നുവെന്നും ഉപദ്രവിച്ചവർ മറന്നാലും ഉപദ്രവിക്കപ്പെട്ടവർ ആ ഭാരം എന്നും ചുമക്കുമെന്നും ഫ്ലോറ ഫേസ്​ബുക്കിൽ കുറിച്ചു.​