ബോളിവുഡ്​ താരം ജിതേന്ദ്രക്കെതിരെ പീഡനാരോപണം

ഷിംല: മുതിർന്ന ബോളിവുഡ്​ താരം ജിതേന്ദ്രക്കെതിരെ ലൈംഗിക പീഡനാരോപണം. 47 വർഷം മുമ്പ്​ തന്നെ പീഡിപ്പിച്ചെന്നാരോപിച്ച്​ താരത്തി​​െൻറ ബന്ധു ഹിമാചൽ പ്രദേശ്​ ഡി.ജി.പിക്ക്​ പരാതി നൽകി. പരാതിക്കാരിക്ക്​ 18 വയസ്സുള്ളപ്പോഴാണ്​ പീഡിപ്പിച്ചെതെന്ന​ ആരോപണമാണ്​ ഉയർന്നിരിക്കുന്നത്​. 

28 വയസ്സുകാരനായ​ ജിതേന്ദ്ര 1971ൽ ന്യൂഡൽഹിയിൽ നിന്നും ​സിനിമ ലൊക്കേഷനായ ഷിംലയിലേക്കുള്ള യാത്രയിൽ പരാതിക്കാരിയായ ബന്ധുവിനെ അവരൂടെ അറിവോടുകൂടിയല്ലാതെ ഉൾപ്പെടുത്തുകയും ഷിംലയിൽ എത്തിയ ഉടനെ മദ്യപിച്ച്​ റൂമിലേക്ക്​ വന്ന്​ ശാരീരികമായി പീഡിപ്പിച്ചുവെന്നുമാണ്​ ആരോപണം.

അതേസമയം ബന്ധുവി​​െൻറ ആരോപണം നിഷേധിച്ച്​ ജിതേന്ദ്ര രംഗത്തെത്തി. അടിസ്​ഥാനരഹിതമായ ആരോപണമാണ്​ താരത്തി​െനതിരെ ഉയർന്നിരിക്കുന്നതെന്ന്​ ജിതേന്ദ്രയുടെ അഭിഭാഷകൻ റിസ്​വാൻ സിദ്ധീഖി പറഞ്ഞു. ഇത്​ കെട്ടിച്ചമച്ചതും അധിക്ഷേപപരവുമാണ്​.​ 50 വർഷങ്ങൾക്കിപ്പുറം ഇത്​ ഒരു കോടതിയും അനുവദിച്ച്​ ​െകാടുക്കരുതെന്നും രഹസ്യ അജണ്ട ലക്ഷ്യം വച്ച്​ ഒരു താരത്തെ അപകീർത്തിപ്പെടുത്തുന്നതിന്​ നിയമം ഒരു വ്യക്​തിക്കും സ്വാതന്ത്ര്യം നൽകുന്നില്ലെന്നും  സിദ്ധിഖി കൂട്ടിച്ചേർത്തു.  

75 കാരനായ ജിതേന്ദ്രയുടെ യഥാർഥ പേര്​ രവി കപൂർ എന്നാണ്​. ധോ ഭി, ഹിമ്മത്​,​ തോഹ്​ഫ അടക്കം നിരവധി ഹിന്ദി ചിത്രങ്ങളിൽ വേഷമിട്ടിട്ടുണ്ട്​. ശോഭ കപൂറാണ്​ ഭാര്യ. ഏക്​ത കപൂർ, തുശ്ശാർ കപൂർ എന്നിവർ മക്കളാണ്​.

സിനിമാ രംഗത്ത്​ സ്​ത്രീകൾ നേരിട്ട പീഡന കഥകൾ പുറത്ത്​ കൊണ്ടു വന്ന മീ ടൂ കാമ്പയിനി​​െൻറ ചുവട്​ പിടിച്ചാണ്​ ജിതേന്ദ്രക്കെതിരായ ആരോപണം. ഹോളിവുഡിൽ മുൻനിര നായികമാരടക്കം പേരുകൾ വെളിപ്പെടുത്തി അവരുടെ അനുഭവങ്ങൾ പങ്ക്​ വെച്ചപ്പോൾ ബോളിവുഡിൽ ഇത്തരം സാഹചര്യം നിലനിൽകുന്ന കാര്യം പല താരങ്ങളും സമ്മതിച്ചിരുന്നു.