‘ഇർഫാൻ ഇവിടുണ്ട്​; എന്നാൽ ഇല്ലതാനും, എല്ലാം ഒരു മാജിക്​ പോ​െല’ - ഓർമയിൽ ഭാര്യ സുതപ

മുംബൈ: ‘‘ഇർഫാ​​​െൻറ മരണത്തിൽ ലോകംമുഴുവൻ വിലപിക്കു​േമ്പാൾ, ഇത്​ എ​​​െൻറയും കുടുംബത്തി​​​െൻറയും ദു:ഖമായി എങ്ങനെ കരുതാനാവും. ലോകം മുഴുവനുമുള്ള ലക്ഷക്കണക്കിനാളുകൾ സങ്കടപ്പെടു​േമ്പാൾ ഇതെങ്ങനെ ഞങ്ങളുടെ മാത്രം നഷ്​ടമാവും. ഇതൊരിക്കലും ഒരു നഷ്​ടമല്ലെന്ന്​ നിങ്ങളോട്​ ഉറപ്പിച്ചു പറയാൻ മാത്രം എനിക്കാവും...കാരണം ഇതൊരു വലിയനേട്ടമാണ്​. ഒരുപാട്​ കാര്യങ്ങൾ ഞങ്ങളെ പഠിപ്പിച്ചാണ്​ അദ്ദേഹം യാത്രയായത്​. ഞങ്ങൾക്കീ വിയോഗം വിശ്വസിക്കാനാവുന്നില്ല. അദ്ദേഹം ഇവിടെ നിന്ന്​ എങ്ങും പോയിട്ടില്ല, എന്നാൽ ഇവിടെയില്ല താനും...ഇർഫാ​​​െൻറ വാക്കുകൾ കടമെടുത്താൽ എല്ലാം ഒരു മാജിക്​ പോലെ തോന്നുന്നു’ -നടൻ ഇർഫാൻ ഖാ​​​െൻറ അകാല വിയോഗത്തിന്​ പിന്നാലെ അദ്ദേഹത്തെക്കുറിച്ച്​ ഭാര്യ സുതപ സിക്​ദർ എഴുതിയ ഹൃദയ സ്​പർശിയായ കുറിപ്പിൽ വിശദീകരിക്കുന്നതിങ്ങനെ.​..

‘പെർഫക്​ഷനു വേണ്ടിയായിരുന്നു എക്കാലവും ഇർഫാ​​​െൻറ പോരാട്ടം. അദ്ദേഹത്തി​​​െൻറ മുന്നിലെ കാഴ്​ചകൾക്കെല്ലാം താളമുണ്ടായിരുന്നു. താറുമാറായിക്കിടക്കുന്നതിൽ പോലും അപശ്രുതി കണ്ടില്ല. ആ താളത്തിൽ നിന്നാണ്​ ഞാൻ സംഗീതവും നൃത്തവും പഠിച്ചത്​. പലപ്പോഴും എ​​​െൻറ ശബ്​ദം അതിനു യോഗ്യമല്ലായിരുന്നു...ചുവടുകളും... നടനകലയുടെ കളരിയായിരുന്നു ഞങ്ങളുടെ ജീവിതം. ഒരിക്കലും ക്ഷണിക്കപ്പെടാത്ത അതിഥി ജീവിതത്തിലേക്ക്​ കടന്നുവന്നിട്ടും അതിനെയും അതേ താളത്തോടെ സ്വീകരിക്കുകയായിരുന്നു. ഡോക്​ടർമാരുടെ കുറിപ്പുകൾ പോലും ഞങ്ങൾക്ക്​ തിരക്കഥയായിരുന്നു. പരിപൂർണതക്കു വേണ്ടി ഒന്നും നഷ്​ടപ്പെടുത്താൻ ഞാൻ തയാറായിരുന്നില്ല. 

ഈ യാത്രക്കിടെ വിസ്​മയിപ്പിക്കുന്ന ഒരുപാട്​ ആളുകളെ ഞങ്ങൾ കണ്ടുമുട്ടി. ആ പട്ടിക അവസാനിക്കുന്നേയില്ല. എന്നാൽ ചിലരെ പരിചയപ്പെടുത്താതെ നിർവാഹമില്ല. ഓ​ങ്കോളജിസ്​റ്റ്​ ഡോ. നിതേഷ്​ രോഹ്​തകി (മാക്​സ്​ ആശുപത്രി, സാകേത്​)..രോഗത്തി​​​െൻറ തുടക്കത്തിൽ അദ്ദേഹമാണ്​ ഞങ്ങളെ ചേർത്തുപിടിച്ചത്​. പിന്നെ ഡോ. ഡാൻ ക്രെൽ (യു.കെ), ഡോ. ശ്രീദേവി (യു.കെ), ഡോ. സെവന്തി ലിമായെ (കോകിലബെൻ ആശുപത്രി).... എത്രത്തോളം മനോഹരമായിരുന്നു, അദ്​ഭുതകരമായിരുന്നു,വേദനാജനകവും ആകാംക്ഷ നിറഞ്ഞതുമായിരുന്നു ആ യാത്രയെന്ന്​ വിവരിക്കാൻ പ്രയാസമാണ്​. ഞങ്ങളുടെത്​ വിവാഹമായിരുന്നില്ല. ഐക്യപ്പെടലായിരുന്നു.

ഒരു ചെറുവഞ്ചിയുമായാണ്​ എ​​​െൻറ കുടുംബത്തെ താരതമ്യപ്പെടുത്തുന്നത്​. മക്കളായ ബാബിലും അയാനുമാണ്​ വഞ്ചി തുഴയുന്നത്​. അവരെ നയിക്കുന്നത്​ ഇർഫാനും. ഇപ്പോൾ ജീവിതം  സിനിമയല്ല, ഒന്നിനും റീ ടേക്കുകളില്ല. ഒരു കൊടുങ്കാറ്റിലും ഉലയാതെ പിതാവി​​​െൻറ നിർദേശങ്ങൾക്കനുസരിച്ച്​  വഞ്ചി സുരക്ഷിതത്തീരത്തെത്തിക്കാൻ എ​​​െൻറ മക്കൾക്ക്​ കഴിയ​ട്ടെ എന്നാണി​പ്പോഴത്തെ പ്രാർഥന. പിതാവ്​ പഠിപ്പിച്ചതെ​ന്താണോ അത്​ ജീവിതത്തിൽ ആവിഷ്​കരിക്കണമെന്നാണ്​ അവരോട്​ എ​​​െൻറ അപേക്ഷ​.  

പിതാവ്​ എന്താണ്​ അവരെ പഠിപ്പിച്ചതിൽ ഏറ്റവും പ്രധാനമായി കരുതുന്നതെന്ന്​ ഞാൻ എ​​​െൻറ മക്കളോട്​ ചോദിച്ചു. അനിശ്ചിതത്വത്തി​​​െൻറ താളക്രമത്തിന്​ കീഴടങ്ങാനും പ്രപഞ്ചത്തിലുള്ള വിശ്വാസം ഊട്ടിയുറപ്പിക്കാനും പഠിച്ചത്​ പിതാവിൽനിന്നാണെന്നായിരുന്നു ബാബിലി​​​െൻറ മറുപടി. ‘സ്വന്തം മനസിനെ അറിയുക, അത്​ നമ്മെ കീഴടക്കുന്നതിനു മുമ്പ്​’ എന്ന പാഠമാണ്​ പിതാവ്​ പകർന്നുതന്നതിൽ പ്രധാനമെന്ന്​ അയാനും പറയുന്നു.’ 

ഇർഫാന്​ ഏറെ ഇഷ്​ടപ്പെട്ട രാത്രിമുല്ല അദ്ദേഹത്തി​​​െൻറ ഖബറിടത്തിൽ നട്ടുപിടിപ്പിക്കുമെന്നും അത്​ തളിർത്ത്​ പൂത്ത്​ അതി​​​െൻറ സുഗന്ധം ഒഴുകിപ്പരന്ന്​ അദ്ദേഹത്തി​​​െൻറ ആരാധകരെന്നല്ല, കുടുംബമെന്ന്​ താൻ വിളിക്കുന്ന എല്ലാവരുടേയും ആത്​മാവിനെ ​സ്​പർശിക്കുമെന്നും കൂട്ടിച്ചേർത്താണ്​ സുപത കുറിപ്പ്​ അവസാനിപ്പിക്കുന്നത്​. 

നിശ്​ചയദാർഢ്യത്തോടെയായിരുന്നു ഇർഫാൻ അർബുദത്തോട്​ പൊരുതിയത്​. 2018ലാണ്​ അദ്ദേഹത്തിന്​ ന്യൂറോ എൻഡോക്രൈൻ ട്യൂമർ സ്​ഥിരീകരിച്ചത്​. നാഷനൽ സ്​കൂൾ ഓഫ്​ ഡ്രാമയിൽ ഇർഫാ​​​െൻറ സഹപാഠിയായിരുന്നു സുതപ. 1995ലാണ്​ ഇരുവരും വിവാഹിതരായത്​.  എല്ലാ പ്രതിസന്ധിയിലും ഇർഫാ​​​െൻറ താങ്ങായിരുന്നു അവർ.