ബാഫ്​റ്റ: ലാ ലാ ലാന്‍ഡിന്​ അഞ്ച്​ അവാർഡ്​; ദേവ്​ പ​േട്ടൽ സഹനടൻ

ലണ്ടൻ: ഈ വര്‍ഷത്തെ ബാഫ്‍റ്റ അവാര്‍ഡുകള്‍ പ്രഖ്യാപിച്ചു. മികച്ച സിനിമ ഉള്‍പ്പെടെ അഞ്ച്​ പുരസ്കാരങ്ങള്‍ ലാ ലാ ലാന്‍ഡ് നേടി. മികച്ച സിനിമ, സംവിധായകന്‍, നടി, സംഗീതം, ഛായാഗ്രാഹകന്‍ എന്നീ പ്രധാന പുരസ്കാരങ്ങളെല്ലാം ലാ ലാ ലാന്‍ഡ് സ്വന്തമാക്കി. മാഞ്ചസ്റ്റര്‍ ബൈ ദ സീയിലെ അഭിനയത്തിന്​ കെസി അഫ്ലെക് മികച്ച നടനായി. ലയണിലെ മികച്ച പ്രകടനം നടത്തി ദേവ് പട്ടേൽ സഹനടനുള്ള പുരസ്കാരം നേടി ഇന്ത്യയുടെ അഭിമാനം ഉയര്‍ത്തി

ഓസ്കര്‍ പുരസ്കാരത്തിനുള്ള നാമനിര്‍ദേശ പട്ടികയില്‍ ഉൾപ്പെട്ട ചിത്രമാണ്​ ലാ ലാ ലാന്‍ഡ്​.  ഡാമിയന്‍ ചാസെല്ലെ ആണ് സംവിധായകന്‍, എമ്മ സ്റ്റോണ്‍ നടിയായും തെരഞ്ഞെടുക്കപ്പെട്ടു.ലാ ലാ ലാന്‍ഡിലെ സംഗീതത്തിന് ജസ്റ്റിന്‍ ഹര്‍വിറ്റ്‌സും ഛായാഗ്രാഹകന്‍ ലിനസ് സാന്‍ഡേനും പുരസ്കാരം ഏറ്റുവാങ്ങി. ഫെന്‍സസിലൂടെ വയോല ഡേവിസ് സഹനടിയായി.

മികച്ച തിരക്കഥ–  മാഞ്ചസ്റ്റര്‍ ബൈ ദ സീ, മികച്ച അവലംബിത തിരക്ക---ഥ– ലൂക്ക് ഡേവിസ്​(ലയൺ). എഡിറ്റിങ്​ –ഹാക്സോ റിഡ്ജ്​, സ്പെഷ്യല്‍ വിഷ്വല്‍ എഫക്ട്​ –ദ ജംഗിള്‍ ബുക്ക്​, ഐ ഡാനിയല്‍ ബ്ലേക്- –മികച്ച ബ്രിട്ടീഷ് ചിത്രം,  കുബോ ആന്‍ഡ് ദ ടു സ്ട്രിങ്സ്-- –മികച്ച ആനിമേഷന്‍ ചിത്രം. ഇത്തവണത്തെ ബാഫ്റ്റ ഫെലോഷിപ്പിന് നടനും സംവിധായകനുമായ മെല്‍ ബ്രൂക്സ് അര്‍ഹനായി.