അഞ്ച് രംഗങ്ങൾക്ക് കത്രിക; ആർടിക്ൾ 15 ന് ക്ലീൻ യു/എ സർട്ടിഫിക്കറ്റ്

തപ്സീ​ പന്നു, ഋഷി കപൂർ എന്നിവരെ കേന്ദ്ര കഥാപാത്രങ്ങളാക്കി ഒരുക്കിയ ‘മുല്‍ക്ക്’ന്​ ശേഷം അനുഭവ്​ സിൻഹ സംവിധാന ം ചെയ്യുന്ന ആർട്ടിക്കിൾ 15​​​ന് ക്ലീൻ യു/എ സർട്ടിഫിക്കറ്റ്. ചിത്രത്തിലെ അഞ്ച് രംഗങ്ങൾ ഒഴിവാക്കിയാണ് ചിത്രത്തിന ് സർട്ടിഫിക്കറ്റ് നൽകിയത്.

ആയുഷ്മാന്‍ ഖുറാനയാണ് ചിത്രത്തിലെ നായകൻ. ബ്രാഹ്മണനായ ഒരു പൊലീസ് ഓഫീസറായാണ്​ അദ്ദേഹം വേഷമിടുന്നത്​​. ഇഷ തൽവാറും തമിഴ്​ നടൻ നാസറും സുപ്രധാന വേഷങ്ങളിലുണ്ട്​. ചിത്രം ജൂൺ 28ന് റിലീസ് ചെയ്യും.

ഇന്ത്യയിലെ ജാതീയത​ ചർച്ച ചെയ്യുന്ന ചിത്രത്തിനെതിരെ കർണിസേന രംഗത്തെത്തിയിരുന്നു. 2014ല്‍ ഉത്തര്‍പ്രദേശിലെ ബദൗനില്‍ രണ്ട് ദലിത് സ്ത്രീകളെ കൂട്ട ബലാത്സംഗം ചെയ്ത് കൊലപ്പെടുത്തിയ സംഭവമാണ്​ ചിത്രത്തിൽ പറയുന്നത്​.

ഉത്തരേന്ത്യയിൽ ദലിതർ നിരന്തരം നേരിട്ടുകൊണ്ടിരിക്കുന്ന ആക്രമണവും സവർണ്ണ മേധാവിത്വവുമൊക്കെ ചിത്രത്തിൽ പച്ചയായി ഉൾകൊള്ളിച്ചിട്ടുണ്ട്. ചിത്രത്തിന്‍റെ​ ട്രെയിലർ യൂട്യൂബിൽ തരംഗമായിരുന്നു.

സിനിമയില്‍ ബ്രാഹ്മണ വിഭാഗത്തിലെ ഏറ്റവും വലിയ വിഭാഗം(മഹന്ത്ജി) കുറ്റം ചെയ്യുന്നതായി ട്രെയിലറില്‍ കാണിച്ചത് വലിയ പ്രതിഷേധങ്ങള്‍ക്ക് വഴിവെച്ചിരുന്നു. ആര്‍ട്ടിക്കിള്‍ 15 നിഷ്പക്ഷമാണെന്നും ഒരു പ്രത്യേക ചായ്‍വില്ലെന്നും ആയുഷ്മാന്‍ ഖുറാനയും മാധ്യമങ്ങളോട് വ്യക്തമാക്കിയിരുന്നു.